କାର୍ ଦୁର୍ଘଟଣାରେ ୨ ମୃତ

ପୁଣେ: ପୁଣେର ବଣ୍ଡ୍ ଗାର୍ଡେନ୍ ମେଟ୍ରୋ ଷ୍ଟେସନ୍ ନିକଟରେ ଏକ କାର୍ ଭୟଙ୍କର ଦୁର୍ଘଟଣାର ସମ୍ମୁଖୀନ ହୋଇଛି। ଏହି ଦୁର୍ଘଟଣା ଯୋଗୁଁ ଘଟଣାସ୍ଥଳରେ ଦୁଇ ଜଣଙ୍କର ମୃତ୍ୟୁ ଘଚିଛି ଏବଂ ଜଣେ ଗୁରୁତର ଆହତ ହୋଇଛନ୍ତି। ପୁଣେର ବଣ୍ଡ ଗାର୍ଡେନ୍ ମେଟ୍ରୋ ଷ୍ଟେସନ୍ ନିକଟରେ ସକାଳ ୫ଟାରେ ଏହି ଭୟଙ୍କର ଦୁର୍ଘଟଣା ଘଟିଛି। ମୃତକଙ୍କ ନାମ ହ୍ରିତିକ୍ ଭଣ୍ଡାରେ ଏବଂ ଯଶ ଭଣ୍ଡାରେ। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ତଦନ୍ତ ସମୟରେ କାରରୁ ମଦ ବୋତଲ ମିଳିଥିବାରୁ ଏହି ମାମଲା ଡ୍ରଙ୍କ ଆଣ୍ଡ ଡ୍ରାଇଭ୍ ସହିତ ଜଡିତ ହୋଇପାରେ ବୋଲି ପୋଲିସ ସନ୍ଦେହ କରୁଛି। ପ୍ରତିବର୍ଷ ଅଗଣିତ ଲୋକ ମଦ୍ୟପାନ କରି ଗାଡି ଚାଳନା କରିବା ଯୋଗୁଁ ଜୀବନ ହରାଉଛନ୍ତି। ଜଣେ ବ୍ୟକ୍ତିଙ୍କ ଭୁଲର ପରିଣାମ ସମଗ୍ର ପରିବାର ଭୋଗୁଛି। ଏପରି ରିପୋର୍ଟ ପ୍ରତିଦିନ ସାମ୍ନାକୁ ଆସୁଛି, ତଥାପି ଲୋକମାନେ ମଦ୍ୟପାନ କରି ଗାଡି ଚାଳନା କରି ଅଟଳ ରହିଛନ୍ତି। ମଦ୍ୟପାନ କରି ଗାଡି ଚାଳନା ରୋକିବା ପାଇଁ ପୋଲିସ ଏପରି ମାମଲାରେ କଠୋର କାର୍ଯ୍ୟାନୁଷ୍ଠାନ ନେବା ଉଚିତ।