ଭୁବନେଶ୍ୱର: ଭାରତୀୟ ପରମ୍ପରାରେ ଘରର ଶୁଦ୍ଧିଏବଂ ପୂଜା ପାଇଁ ଧୂପକାଠି ଦିଆଯାଇଥାଏ । ଏହାର ବାସ୍ନା ଏକ ସକରାତ୍ମକ ପରିବେଶ ସୃଷ୍ଟି କରେ । ମନରେ ଶାନ୍ତି ଆଣିଥାଏ । କିନ୍ତୁ ଆପଣ ଭାବିଛନ୍ତି କି, ଧୂପକାଠି ଧୂଆଁ ଧୀରେ ଧୀରେ ସ୍ୱାସ୍ଥ୍ୟକୁ କ୍ଷତିଗ୍ରସ୍ତ କରିଥାଏ । ଏହି ଉତ୍ପାଦଗୁଡ଼ିକରେ ବ୍ୟବହୃତ ରାସାୟନିକ ପଦାର୍ଥ ଏବଂ ସୁଗନ୍ଧ ପୋଡ଼ିବା ସମୟରେ କ୍ଷତିକାରକ ଗ୍ୟାସ୍ ନିର୍ଗତ ହୁଏ ।ଏଥିରେ କାର୍ବନ ମନୋକ୍ସାଇଡ୍, ବେଞ୍ଜିନ ଏବଂ ଫର୍ମାଲ୍ଡାଇଡ୍ ଭଳି ଉପାଦାନ ଅନ୍ତର୍ଭୁକ୍ତ । ତେଣୁ , ଏଗୁଡ଼ିକର ନିରନ୍ତର ସଂସ୍ପର୍ଶ ଫୁସଫୁସକୁ ପ୍ରଭାବିତ କରିପାରେ ।
ଏହା ସ୍ୱାସ୍ଥ୍ୟଉପରେ କଣ ପ୍ରଭାବ ପକାଇବ ଜାଣନ୍ତୁ..
ଧୂପକାଠି ଏବଂ ଧୂପକାଠିର ଧୂଆଁକୁ ଦୀର୍ଘ ସମୟ ଧରି ନିଶ୍ୱାସ ନେବା ଦ୍ୱାରା ଅନେକ ଗମ୍ଭୀର ସମସ୍ୟା ସୃଷ୍ଟି ହୋଇପାରେ।ଏହା ଶ୍ୱାସକ୍ରିୟା ସମସ୍ୟା ପାଇଁ ଏକ ଟ୍ରିଗର ଭାବରେ କାର୍ୟ୍ୟ କରେ । ଧୂଆଁରେ ଥିବା ରାସାୟନିକ ପଦାର୍ଥ ଚର୍ମ ଏବଂ ଆଖିକୁ କ୍ଷତି ପହଞ୍ଚାଇପାରେ । ହୃଦୟ ଉପରେ ଚାପ ବୃଦ୍ଧି କରେ । ନିରନ୍ତର ସଂସ୍ପର୍ଶରେ ଆସିବା ଦ୍ଵାରା କର୍କଟ ରୋଗର ଆଶଙ୍କା ମଧ୍ୟ ବଢ଼ିପାରେ ।
