କେନ୍ଦ୍ରାପଡା: ଡାକ୍ତର ଦେଖାଇଲେ ମାନବିକତା । ବନ୍ୟା ପାଣିରୁ ଗର୍ଭବତୀ ମହିଳାଙ୍କୁ ଟ୍ରଲିରେ ଆଣି ଚିକିତ୍ସା କଲେ ଡାକ୍ତର ନିଜେ । ଏଭଳି ଘଟଣା କେନ୍ଦ୍ରାପଡା ଜିଲ୍ଲା ରାଜନଗରରୁ ଆସିଛି । ବନ୍ୟାକୁ ଖାତିର ନକରି ମାନବିକତା ଦେଖାଇଛନ୍ତି, ରାଜନଗର ମେଡିକାଲ ଅଫିସର ଡାକ୍ତର ରଶ୍ମି ରଞ୍ଜନ ମହାନ୍ତି । ବ୍ରାହ୍ମଣୀରେ ବନ୍ୟା ଆସିବା ଯୋଗୁଁ ତଳିଆ ଅଞ୍ଚଳରେ ପାଣି ପଶି ଅନେକ ଅଞ୍ଚଳକୁ ଯୋଗାଯୋଗ ବିଚ୍ଛିନ୍ନ ହୋଇଛି । ରାଜନଗର ବ୍ଲକର ଚକିବାଙ୍ଗ ଗାଁର ସଂଘମିତ୍ରା ରାଉତ ଗର୍ଭ ଯନ୍ତ୍ରଣା ପାଉଥିଲେ । ବନ୍ୟା ଯୋଗୁଁ ଆମ୍ବୁଲାନ୍ସ ତାଙ୍କ ଘର ନିକଟରେ ପହଞ୍ଚି ପାରିନଥିଲା ଫଳରେ ଡାକ୍ତର ରଶ୍ମି ରଞ୍ଜନ ମହାନ୍ତି ଏବଂ ତାଙ୍କ ଟିମ ବନ୍ୟା ପାଣିରେ ଚାଲି ଚାଲି ଯାଇ ତାଙ୍କ ଘରେ ପହଞ୍ଚିଥିଲେ । ତାଙ୍କ ଟ୍ରଲିରେ ଆମ୍ବୁଲାନ୍ସ ଯୋଗେ ଆଣିଥିଲେ ।ସେଠାରୁ ରାଜନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣି ଚିକିତ୍ସା କରିଛନ୍ତି ଡାକ୍ତର । ଡାକ୍ତରଙ୍କ ଏଭଳି ବଦାନ୍ୟତା ପାଇଁ ସେ ସାରା ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛନ୍ତି ।
