ବିରୋଧୀଙ୍କ ହଙ୍ଗାମା: ୨ଟା ଯାଏଁ ଗୃହ ମୁଲତବି

ନୂଆଦିଲ୍ଲୀ: ଚାଲିପାରୁନି ଗୃହ କାର୍ଯ୍ୟ । ଲୋକସଭାରେ ବିରୋଧୀଙ୍କ ଉପରେ ପ୍ରବଳ ବର୍ଷିଥିଲେ ବାଚସ୍ପତି ଓମ ବିର୍ଲା । ଗୃହ ଚଳାଇ ଦେଉନଥିବାରୁ ସେ ବିରକ୍ତି ପ୍ରକାଶ  କରିବା ସହ ଅପରେସନ ସିନ୍ଦୂର ନେଇ ଆଲୋଚନା ଚାହୁଁ ନାହାନ୍ତିକି ବୋଲି ପ୍ରଶ୍ନ କରିଥିଲେ । ପ୍ରଶ୍ନକାଳ ବେଳେ ବିରୋଧୀ ବଡ ହଙ୍ଗାମା କରିବା , ପୋଷ୍ଟର ଦେଖାଇବା ଏବଂ ପାଟିତୁଣ୍ଡ କରିବା ଦ୍ୱାରା ଗୃହ କାଯ୍ୟ ଚାଲିପାରିନଥିଲା । ସେ ବିରୋଧୀ ଦଳ ନେତାଙ୍କୁ ମଧ୍ୟ ତାଙ୍କ ଦଳ ନେତାଙ୍କୁ କହିବା ପାଇଁ ନିର୍ଦ୍ଦେଶ ଦେଇଥିଲେ । ଗୃହରେ ଅପରେସନ ସିନ୍ଦୁର ନେଇ ଚର୍ଚ୍ଚା  କରୁଛ ହେଲେ ଚର୍ଚ୍ଚା ଆରମ୍ଭ ବେଳେ ଗୃହ ଚଳାଇ ଦେଉନାହଁ । ଏହା କିଭଳି ମାନସିକତା ବୋଲି ବାଚସ୍ପତି କହିଛନ୍ତି । ବାଚସ୍ପତିଙ୍କର ନିବେଦନ ପରେ ବି ବିରୋଧୀଙ୍କର ନାରାବାଜି ଜାରି  ରହିଥିବାରୁ ଗୃହକୁ ଦିନ ୧ଟା ଯାଏଁ ମୁଲତବି ଘୋଷଣା କରାଯାଇଥିଲା  ା ପୁଣି ଗୃହ କାଯ୍ୟ ସୁରୁଖୁରୁରେ ଆରମ୍ଭ କରିବା ପୂର୍ୱରୁ ଗୃହରେ ସମାନ ପ୍ରକାର ସ୍ଥିତି ଦେଖାଦେଇଥିଲା । ଏନେଇ ୨ଟା ଯାଏଁ  ମୁଲତବି ଘୋଷଣା କରିଛନ୍ତି ବାଚସ୍ପତି ।