ନୋଏଡାରେ ଭୟଙ୍କର ଅଗ୍ନିକାଣ୍ଡ

ଉତ୍ତର ପ୍ରଦେଶ: ନୋଏଡାର ସେକ୍ଟର ୧୮ରେ ଥିବା ଏକ କୋଠାରେ ଭୟଙ୍କର ଅଗ୍ନିକାଣ୍ଡ ଘଟିଛି! ଅଗ୍ନିକାଣ୍ଡର ଖବର ପାଇବା ମାତ୍ରେ, ଦଉଡ଼ି ସାହାଯ୍ୟରେ ଲୋକଙ୍କୁ ଉଦ୍ଧାର କରାଯାଉଥିଲା। ଘଟଣା ଜଣାପଡିବା ପରେ, ନିଆଁ ଲିଭାଇବା ପାଇଁ ପାଞ୍ଚଟି ଦମକଳ ଗାଡି ଘଟଣାସ୍ଥଳରେ ପହଞ୍ଚିଥିଲା। ସୂଚନା ଅନୁଯାୟୀ, କୋଠା ଭିତରେ ଥିବା ଏକ ଦୋକାନରେ ନିଆଁ ଲାଗିଥିଲା। ନିଆଁ ଯୋଗୁଁ କାର୍ଯ୍ୟାଳୟରେ କାମ କରୁଥିବା ଲୋକମାନେ କୋଠା ବାହାରକୁ ଆସିପାରି ନଥିଲେ।ଘଟଣା ଜଣାପଡିବା ପରେ, କିଛି ଲୋକ ନିଆଁରୁ ରକ୍ଷା ପାଇବା ପାଇଁ ଚତୁର୍ଥ ମହଲାରୁ ଡେଇଁପଡ଼ିଥିବାର ଦେଖାଯାଇଥିଲା। ଚତୁର୍ଥ ମହଲାରୁ ଡେଇଁପଡ଼ିବା ସମୟରେ ଦୁଇଜଣ ଯୁବକ ଆହତ ହୋଇଥିଲେ। ସେମାନଙ୍କୁ ଡାକ୍ତରଖାନାକୁ ନିଆଯାଇଛି।