ରାଇସ୍ ମିଲ୍‌ରୁ ଜବତ ୫ଶହ କ୍ୱିଣ୍ଟାଲ ଧାନ

ନୂଆପଡ଼ା: ନୂଆପଡା ଜିଲ୍ଲା ଦର ବ୍ଲକ ବଲୋଦା ସ୍ଥିତ ଅନ୍ନପୂର୍ଣ୍ଣା ରାଇସ୍ ମିଲ୍‌ରେ ଯୋଗାଣ ବିଭାଗ ଚଢ଼ାଉ କରିଛି । ଚଢାଉ ବେଳେ ପ୍ରାୟ ୬ ଶହ ପ୍ୟାକେଟ୍ ନୂଆ ଧାନ ମିଳିଥିଲା । ଯାହା ୫ ଶହ କ୍ୱିଣ୍ଟାଲରୁ ଉର୍ଦ୍ଧ୍ବ ହେବ ବୋଲି ଜଣାପଡିଛି । ପୂର୍ବ ଋତୁରେ ନେଇଥିବା ଧାନ ବଦଳରେ ଦେବାକୁ ଥିବା ସମସ୍ତ ଚାଉଳ ମାସେ ଆଗରୁ ଦେଇଥିବା ବେଳେ ରାଇସ୍ ମିଲ୍‌ରେ ଧାନ ରହିବା କଥା ନୁହେଁ । ହେଲେ ମିଲ୍‌ରେ ବେଆଇନ ଭାବେ ଗଚ୍ଛିତ ରହିଥିଲା ଧାନ । ଯାହାକୁ ଜିଲ୍ଲା ଯୋଗାଣ ବିଭାଗ ସିଜ୍ କରିବା ସହ କାର୍ଯ୍ୟାନୁଷ୍ଠାନ ନେବେ ବୋଲି ଜିଲ୍ଲା ଯୋଗାଣ ଅଧିକାରୀ କହିଛନ୍ତି ।