ବିଧାୟକଙ୍କ ମାନବିକତା: ୩ ଆହତଙ୍କୁ ନିଜ ଗାଡିରେ ନେଲେ ହସ୍ପିଟାଲ

ନବରଙ୍ଗପୁର: ମାନବିକତା ଦେଖାଇଲେ ନବରଙ୍ଗପୁର ବିଧାୟକ । ଦୁର୍ଘଟଣାରେ ଆହତ ତିନି ଜଣଙ୍କୁ ନିଜ ଗାଡିରେ ହସ୍ପିଟାଲ ନେଲେ । ଯାହାକୁ ନେଇ ଚର୍ଚ୍ଚାରେ ନବରଙ୍ଗପୁର ବିଜେପି ବିଧାୟକ ଗୌରୀ ଶଙ୍କର ମାଝୀ । ନବରଙ୍ଗପୁର ଥାନା ଅନ୍ତର୍ଗତ ବିଜ୍ରାଗୁଡା ଛକ ଠାରେ ବାଇକ୍ ସହ ଏକ ଭ୍ୟାନ ମୁହା ମୁହିଁ ଧକ୍କା ହୋଇଥିଲା । ବାଇକ୍ ଆରୋହିଙ୍କ ସମେତ ତିନି ଜଣ ଆହତ ହୋଇଥିଲେ । ଏହି ସମୟରେ ସେହି ରାସ୍ତାରେ ଯାଉଥିବା ବିଧାୟକ ସମସ୍ତ ଆହତ ମାନଙ୍କୁ ନିଜ ଗାଡିରେ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେବା ସହ ଚିକିତ୍ସା କରାଇଥିଲେ ।