ଇସ୍ଲାମ୍ବାଦ୍: ପାକିସ୍ତାନର ଅଶାନ୍ତ ଉତ୍ତର-ପଶ୍ଚିମ ଖାଇବର ପଖତୁନଖୱା ରାଜ୍ୟରେ ପୋଲିସ ଭ୍ୟାନ ଉପରେ ବଡ଼ ଆତଙ୍କବାଦୀ ଆକ୍ରମଣ ହୋଇଛି । ଏଥିରେ ୨ ଜଣ ପୋଲିସ କର୍ମଚାରୀଙ୍କ ମୃତ୍ୟୁ ଘଟିଛି । ଆଜି ପାଟ୍ରୋଲିଂ ବେଳେ ଆତଙ୍କବାଦୀମାନେ ପୋଲିସ ଭ୍ୟାନ ଉପରେ ଆକ୍ରମଣ କରିଥିଲେ । ସନ୍ଦିଗ୍ଧ ଆତଙ୍କବାଦୀମାନେ ହଠାତ୍ ଭ୍ୟାନ୍ ଉପରେ ଆକ୍ରମଣ କରିଥିଲେ । ଏହି ଆକ୍ରମଣରେ ଦୁଇ ଜଣ ପୋଲିସ କର୍ମଚାରୀଙ୍କ ମୃତ୍ୟୁ ଘଟିଥିବା ବେଳେ ତିନି ଜଣ ଆହତ ହୋଇଛନ୍ତି ।
ଆତଙ୍କବାଦୀମାନେ ଟ୍ୟାଙ୍କ ଜିଲ୍ଲାର ପଠାନକୋଟ ନିକଟରେ ଏହି ଆକ୍ରମଣ କରିଥିବା ଜଣାଯାଇଛି। ଆହତମାନଙ୍କୁ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି । ଏହି ଘଟଣା ପରେ ପାକିସ୍ତାନ ପୋଲିସ ଆତଙ୍କବାଦୀମାନଙ୍କୁ ଗିରଫ କରିବା ପାଇଁ ଉଦ୍ୟମ ଚଳାଇଛି । ଅନେକ ସ୍ଥାନରେ ଚଢ଼ାଉ ଏବଂ ସର୍ଚ୍ଚ ଅପରେସନ୍ ଚାଲିଛି । ବର୍ତ୍ତମାନ କୌଣସି ବି ଗୋଷ୍ଠୀ ଏହି ଆକ୍ରମଣ ପାଇଁ ନିଜକୁ ଦାୟୀ କରିନାହାନ୍ତି । ଖାଇବର ପଖତୁନଖୱା ମୁଖ୍ୟମନ୍ତ୍ରୀ ଅଲି ଅମିନ ଖାନ ପୋଲିସ ଭ୍ୟାନ ଉପରେ କରାଯାଇଥିବା ଆକ୍ରମଣର କଡ଼ା ନିନ୍ଦା କରିଛନ୍ତି । ମୁଖ୍ୟମନ୍ତ୍ରୀ ନିହତ ପୋଲିସ କର୍ମଚାରୀଙ୍କ ପରିବାର ପାଇଁ ଆର୍ôଥକ ସହାୟତା ଘୋଷଣା କରିଛନ୍ତି । ଗତ କିଛି ଦିନ ହେବ ପାକିସ୍ତାନରେ କ୍ରମାଗତ ଭାବେ ଏଭଳି ଆତଙ୍କବାଦୀ ଆକ୍ରମଣ ଘଟୁଛି ।
