ମୁମ୍ବାଇ: ମହାରାଷ୍ଟ୍ରର ବୁଲଢାଣାରେ ଏକ ଭୟଙ୍କର ସଡ଼କ ଦୁର୍ଘଟଣା ହୋଇଛି । ଦୁଇଟି ବସ୍ ମଧ୍ୟରେ ମୁହାଁମୁହିଁ ଧକ୍କା ଲାଗିବା ଫଳରେ ୬ ଜଣଙ୍କର ମୃତ୍ୟୁ ଘଟିଥିବା ବେଳେ ୨୦ ଜଣ ଗୁରୁତର ଭାବେ ଆହତ ହୋଇଛନ୍ତି । ପୁଲିସ ଅନୁସାରେ ଦୁର୍ଘଟଣା ଶୁକ୍ରବାର ରାତି ପ୍ରାୟ ଅଢ଼େଇଟା ବେଳେ ମଲକାପୁରର ନାନ୍ଦୁର ଫ୍ଲାଇଓଭର୍ ନିକଟରେ ହୋଇଛି ।
ଆହତଙ୍କୁ ନିକଟସ୍ଥ ହସ୍ପିଟାଲ୍ରେ ଭର୍ତ୍ତି କରାଯାଇଥିବା ବେଳେ ମୃତକମାନଙ୍କ ପରିଜନଙ୍କୁ ଘଟଣା ସମ୍ପର୍କରେ ସୂଚନା ଦିଆଯାଇଛି । ଏହି ଦୁର୍ଘଟଣା ଫଳରେ ହାଇୱେ ଜାମ୍ ହୋଇଯାଇଥିଲା । ଘଟଣାସ୍ଥଳରୁ ଦୁଇ ବସ୍କୁ ହଟାଯିବା ପରେ ଅଟକି ରହିଥିବା ଯାନବାହନ ଚଳାଚଳ ଆରମ୍ଭ ହୋଇଛି । ପୁଲିସ ଅନୁସାରେ ମୃତକଙ୍କ ମଧ୍ୟରେ ବସ୍ ଡ୍ରାଇଭର୍ ମଧ୍ୟ ସାମିଲ । ପୁଲିସ ଦୁର୍ଘଟଣାର କାରଣ ସମ୍ପର୍କରେ ତଦନ୍ତ ଚଳାଇଛି ।
