ୱାର୍ଲ୍ଡ ବକ୍ସିଂ ଚାମ୍ପିଅନ୍‌ଶିପ୍ କ୍ୱାର୍ଟର୍‌ରେ ନରେନ୍ଦର୍‌

ତାଶ୍‌କେଣ୍ଟ୍ : ଏଠାରେ ଚାଲିଥିବା ପୁରୁଷ ୱାର୍ଲ୍ଡ ବକ୍ସିଂ ଚାମ୍ପିଅନ୍‌ଶିପ୍ କ୍ୱାର୍ଟର୍ ଫାଇନାଲ୍‌ରେ ପ୍ରବେଶ କରିଛନ୍ତି ନରେନ୍ଦର ବରୱାଲ୍ । ଏଥିସହ ଅନ୍ୟ ଦୁଇ ଭାରତୀୟ ପ୍ରତିଯୋଗୀ ଭାବେ ଗୋବିନ୍ଦ ସାହାଣୀ ଓ ଦୀପକ କୁମାର ମଧ୍ୟ ପ୍ରତିଯୋଗିତାର ପ୍ରିକ୍ୱାର୍ଟର୍ ପର୍ଯ୍ୟାୟକୁ ଉନ୍ନୀତ ହୋଇଛନ୍ତି । ଯୁକ୍ତ ୯୨ କିଗ୍ରା ବର୍ଗରେ ପ୍ରତିନିଧିତ୍ୱ କରିଥିବା ନରେନ୍ଦର ପ୍ରଥମ ରାଉଣ୍ଡ୍ ମୁକାବିଲାରେ ତାଜିକିସ୍ତାନର ମହମ୍ମଦ ଆବରୋରିଡିନୋଭ୍‌ଙ୍କୁ ୪-୧ରେ ପରାସ୍ତ କରିଛନ୍ତି । ୨୦୨୨ ଏସିଆନ୍ ଚାମ୍ପିଅନଶିପ୍‌ରେ ଉଭୟ ପ୍ରତିଯୋଗୀ ବ୍ରୋଞ୍ଜ୍ ପଦକ ଜିତିଥିଲେ । ସେହିପରି ୨୦୨୨ ଥାଇଲାଣ୍ଡ୍ ଓପନ୍ ଚାମ୍ପିଅନ୍ ଗୋବିନ୍ଦ ୪୮ କିଗ୍ରା ଓଜନ ବର୍ଗରେ ତାଜିକିସ୍ତାନର ମେହରୋନ୍ ଶାଫିଏଭ୍‌ଙ୍କୁ ୫-୦ରେ ପରାସ୍ତ କରିଥିବା ବେଳେ ୨୦୧୯ ଏସିଆନ୍ ଚାମ୍ପିଅନ୍‌ଶିପ୍‌ରେ ରୌପ୍ୟ ପଦକ ଜିତିଥିବା ଦୀପକ ୫୧ କିଗ୍ରା ଓଜନ ବର୍ଗରେ ଇକ୍ୱେଡର୍‌ର ଲୁଇସ୍ ଡେଲ୍‌ଗାଡୋଙ୍କ ବିପକ୍ଷରେ ସର୍ବସମ୍ମତି ନିଷ୍ପତ୍ତିରେ ବିଜୟୀ ହୋଇଛନ୍ତି ।