ଟ୍ରେନରେ କଟି ଯୁବକ ମୃତ

ରାଉରକେଲା: ରାଜଗାଙ୍ଗପୁର ଜିଆରପି ଥାନା ଅନ୍ତର୍ଗତ ରେଲୱେ ଷ୍ଟେସନ ପାଖରେ ଜଣେ ଯୁବକ ଟ୍ରେନରେ କଟି ଆତ୍ମହତ୍ୟା କରିଥିବା ସୂଚନା ମିଳିଛି ।   ଜିଆରପି ପୁଲିସ ଉକ୍ତ ଯୁବକଙ୍କ ଶବକୁ ଜବତ କରି ପୋଷ୍ଟ ମର୍ଟମ ପାଇଁ ପଠାଇବା ସହ ମୃତକଙ୍କ ପରିବାବର୍ଗଙ୍କୁ ସୂଚନା ପ୍ରଦାନ କରିଛିି । ମିଳିଥିବା ସୂଚନା ଅନୁଯାୟୀ, ରାଜଗାଙ୍ଗପୁର ଡେଲିମାର୍କେଟ ଅଂଚଳରେ ଦୋକାନ କରିଥିବା ସୁରେନ୍ଦ୍ର ଶାହା ଆଜି ଗୁରୁବାର ଏକ ମାଲଗାଡ଼ି ସମ୍ମୁଖକୁ ଆସିଯିବା ଫଡ଼ଳରେ ଟ୍ରେନରେ କଟି ମୃତ୍ୟୁବରଣ କରିଛନ୍ତି । ପାରିବାରିକ କଳହ କାରଣରୁ ଏହି ଘଟଣା ଘଟିଥିବାର ଅନୁମାନ କରାଯାଉଛି । ଷ୍ଟେସନ ପଡ଼ାରେ ସୁରେନ୍ଦ୍ର ଶାହା ବସବାସ କରୁଥିଲେ । ଜିଆରପି ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ଗଟଣାର ତଦନ୍ତ ଜାରି ରଖିଛି । ଆଜି ଏହି ଘଟଣାକୁ ନେଇ ସ୍ଥାନୀୟ ଅଂଚଳର ଲୋକମାନେ ରେଳ ଧାରଣା ପାଖରେ ଭିଡ଼ ଜମାଇବା ଦେଖିବାକୁ ମିଳିଥିଲା ।