ଭବନୀପାଟଣା : କଳାହାଣ୍ଡି – କନ୍ଧମାଳ ସୀମାରେ ଗତକାଲି ହୋଇଥିବା ଗୁଳିବିନିମୟରେ ୨ଜଣ ଏସଓଜି ଜବାନ ସହିଦ ହୋଇଛନ୍ତି । ଏନେଇ ଆଜି କଳାହାଣ୍ଡି ଜିଲ୍ଲା ପୋଲିସ୍ ମୁଖ୍ୟ କାର୍ଯ୍ୟାଳୟ ପକ୍ଷରୁ ଏକ ପ୍ରେସ୍ ରିଲିଜ ମାଧ୍ୟମରେ ସୂଚନା ଦିଆଯାଇଛି । ସହିଦ ହୋଇଥିବା ୨ ଜବାନ ହେଉଛନ୍ତି ସୁଧୀର କୁମାର ଟୁଡୁ ( ୨୮ ) ଓ ଦେବାଶିଷ ସେଠୀ ( ୨୭ ) । ସହିଦ ସୁଧୀରଙ୍କ ଘର ମୟୁରଭଞ୍ଜ ଜିଲ୍ଲା ସନଭାଡୁଆ ଗାଁରେ । ସେହିଭଳି ସହିଦ ଦେବାଶିଷଙ୍କ ଘର ଅନୁଗୋଳ ଜିଲ୍ଲା ରାଜକିଶୋର ନଗର ଥାନା ଅଞ୍ଚଳର ଅଙ୍ଗପଡ଼ା ଗାଁରେ ।
କଳାହାଣ୍ଡି ଜିଲ୍ଲା ମଦନପୁର ରାମପୁର ଡୁଦୁକା ରଂଜା ଓ କନ୍ଧମାଳ ସୀମାନ୍ତ ସିର୍କି ଜଙ୍ଗଲ ରେ ମାଓ ଅପରେସନ ବିଷୟରେ ବିଶେଷ ସୁତ୍ରରୁୁ ଖବର ପାଇ ଏସଓଜି ଓ ଡିଭିଏଫ ଜବାନ ମିଳିତ ସର୍ଚ୍ଚ ଅପରେସନ କରିଥିଲେ । ଜବାନଙ୍କୁ ଦେଖି ନକ୍ସଲମାନେ ପ୍ରଥମେ ଗୁଳି ଚଳାଇଥିଲେ । ଏହାର ଜବାବ ଦେଇ ଜବାନ ମଧ୍ୟ ପାଲଟା ଗୁଳି ଚାଳନା କରିଥିଲେ । ଏହି ଗୁଳି ବିନିମୟରେ ୫ ଜଣ ନକ୍ସଲ ନିହତ ହୋଇଥିଲେ ।
