ଏଲଓସି ପାର୍‌ ହୋଇ ଭାରତୀୟ ଅଞ୍ଚଳରେ ପିଓକେର ଯୁବତୀ: ସେନାଙ୍କ ପଚରା ଉଚରା

ପ୍ରାଥମିକ ପଚରାଉଚରା ପରେ ତାଙ୍କୁ ପୁଲିସକୁ ହସ୍ତାନ୍ତର କରାଯାଇଛି। ସୂତ୍ର ଅନୁସାରେ, ନିୟନ୍ତ୍ରଣ ରେଖା ନିକଟରେ କାର୍ଯ୍ୟରତ ଏକ ସେନା ପାଟ୍ରୋଲିଂ ପାର୍ଟି ସନ୍ଦେହଜନକ କାର୍ଯ୍ୟକଳାପ ଦେଖିଥିଲେ।ସୂଚନା ଅନୁଯାୟୀ ଶୁକ୍ରବାର ବିଳମ୍ବିତ ସନ୍ଧ୍ୟା ପାଟ୍ରୋଲିଂ ସମୟରେ, ସେନା ଯବାନମାନେ ଜଣେ ଯୁବତୀଙ୍କୁ ଦେଖିଥିଲେ। ସନ୍ଦେହଜନକ ଭାବରେ ସେ ବୁଲୁଥିବାରୁ ସେମାନେ ତାଙ୍କୁ ଅଟକ ରଖି ପଚରାଉଚରା କରିଥିଲେ।ପ୍ରାରମ୍ଭିକ ପଚରାଉଚରା ସମୟରେ ଯୁବତୀ ଜଣକ ନିଜକୁ ପାକିସ୍ତାନ ଅଧିକୃତ ଜମ୍ମୁ ଏବଂ କାଶ୍ମୀରର ଖୁଇରେଟା ନିବାସୀ ମହମ୍ମଦ ଆଜିମଙ୍କ ଝିଅ ୧୭ ବର୍ଷୀୟା ସାମିଆ ଆଜିମ ବୋଲି ପରିଚୟ ଦେଇଥିଲେ । ସୁରକ୍ଷା ଏଜେନ୍ସିଗୁଡ଼ିକ ଯୁବତୀ କେଉଁ ରାସ୍ତା ଦେଇ ଭାରତୀୟ ସୀମାରେ ପ୍ରବେଶ କରିଥିଲେ ଏବଂ ପ୍ରକୃତ କାରଣ ମଧ୍ୟ ନିର୍ଣ୍ଣୟ କରିବାକୁ ଚେଷ୍ଟା କରୁଛନ୍ତି। ତଦନ୍ତ ସମାପ୍ତ ହେବା ପରେ ହିଁ ମାମଲାର ସ୍ଥିତି ସ୍ପଷ୍ଟ ହେବ।