ଭୁବନେଶ୍ୱର: ଚନ୍ଦକା ଥାନା ଅନ୍ତର୍ଗତ ଅନ୍ମୋଲ ବିସ୍କୁଟ ଫ୍ୟାକ୍ଟ୍ରିି ପଛପାଖରୁ ଗୁରୁବାର ଜଣେ ଯୁବକଙ୍କ ଗଳିତ ମୃତଦେହ ପୁଲିସ ଉଦ୍ଧାର କରିଛି । ମୃତକଙ୍କ ନାମ ମିଥୁନ ଭୋଇ(୨୩) । ତାଙ୍କ ଘର ପୁରୀ ଜିଲ୍ଲା ଗୋପ ଥାନା ଅନ୍ତର୍ଗତ ଦେସଥାଳି ଅଞ୍ଚଳରେ ବୋଲି ଜଣାପଡ଼ିଛି। ଘଟଣାସ୍ଥଳରୁ ପୁଲିସ ମୃତକଙ୍କ ଆଧାରକାର୍ଡ ଜବତ କରିଛି । ମୃତଦେହଟି ୩ରୁ ୪ଦିନ ତଳର ହେବ ବୋଲି ଅନୁମାନ କରାଯାଉଛି । ଯୁବକଙ୍କୁ କେହି ହତ୍ୟା କରି ଏଠାରେ ପିଙ୍ଗି ଦେଇଥିବା ସନ୍ଦେହ କରାଯାଉଛି । ଯୁବକଙ୍କ ଭାଇ ଥାନାରେ ପହଞ୍ଚି ତାଙ୍କ ଭାଇକୁ କେହି ହତ୍ୟା କରି ଏଠାରେ ଫିଙ୍ଗିଥିବା ଅଭିଯୋଗ କରିଛନ୍ତି ।
ଏନେଇ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଏଠାରେ ପ୍ରଶ୍ନ ଉଠୁଛି ଯେ, ମିଥୁନଙ୍କ ଘର ପୁରୀ ହୋଇଥିବାବେଳେ ସେ ଚନ୍ଦକା ଜଙ୍ଗଲକୁ ଆସିଲେ କାହିଁକି, ନାଁ ତାଙ୍କୁ ଅପହରଣ କରି ଚନ୍ଦକା ଜଙ୍ଗଲରେ ହତ୍ୟା କରିବା ପରେ ଦୁର୍ବୃତ୍ତମାନେ ପଳାଇଛନ୍ତି । ସୂଚନା ଅନୁଯାୟୀ, ଗୁରୁବାର ଚନ୍ଦକା ଜଙ୍ଗଲକୁ ସ୍ଥାନୀୟଲୋକେ ଯିବାବେଳେ ଜୋର୍ସେ ଗନ୍ଧ ହୋଇଥିଲା । ଗନ୍ଧ ବାରି ଲୋକେ ଘଟଣାସ୍ଥଳକୁ ଯାଇ ଦେଖିବାକୁ ପାଇଥିଲେ କାଜୁ ଗଛରେ ଜଣେ ଯୁବକ ଝୁଲୁଛନ୍ତି । ଏଥିସହ ମୃତଦେହରେ ପୋକ ସାଲୁବାଲୁ ହୋଇ ଚାଲୁଛନ୍ତି । ଏନେଇ ସେମାନେ ତୁରନ୍ତ ପୁଲିସକୁ ଖବର ଦେଇଥିଲେ । ଖବର ପାଇ ଚନ୍ଦକା ଥାନା ଅଧିକାରୀ ସୁରେନ୍ଦ୍ର ବଳ ଘଟଣାସ୍ଥଳରେ ପହଞ୍ôଚ ମୃତଦେହକୁ ଉଦ୍ଧାର କରିଥିଲେ ।
