ଭୁବନେଶ୍ୱର : ଗଣେଶ ମହୋତ୍ସବ ପାଇଁ ସାରା ଦେଶରେ ପ୍ରସ୍ତୁତି ଆରମ୍ଭ ହୋଇଛି । ଗଣେଶ ମହୋତ୍ସବର ପର୍ବ ଗଣେଶ ଚତୁର୍ଥୀ ଠାରୁ ଆରମ୍ଭ ହେବ । ଏହି ପର୍ବ ମହାରାଷ୍ଟ୍ର ସମେତ ସମଗ୍ର ଭାରତରେ ପାଳନ କରାଯାଏ । ହିନ୍ଦୁ କ୍ୟାଲେଣ୍ଡର ଅନୁଯାୟୀ, ଗଣେଶ ଚତୁର୍ଥୀ ପର୍ବ ସେପ୍ଟେମ୍ବର ମାସରେ କେବେ ପଡୁଛି, ଆସନ୍ତୁ ଜାଣିବା। ଶାସ୍ତ୍ର ଅନୁଯାୟୀ ଗଣେଶ ଚତୁର୍ଥୀ ପର୍ବ 10 ସେପ୍ଟେମ୍ବର 2021 ରେ ଶୁକ୍ରବାର ଦିନ ଭାଦ୍ରବ ମାସର ଶୁକ୍ଲ ପକ୍ଷ ଚତୁର୍ଥୀ ର ତିଥିରେ ପାଳନ କରାଯିବ । ଏହି ଦିନ ଚିତ୍ରା ନକ୍ଷତ୍ର ରହିବେ ଏବଂ ବ୍ରହ୍ମା ଯୋଗ ରହିବେ । ଗଣେଶ ମହୋତ୍ସବର ଆରମ୍ଭ ଗଣେଶ ଚତୁର୍ଥୀରୁ ବିବେଚନା କରାଯାଏ। ଏହି ବର୍ଷ ଗଣେଶ ମହୋତ୍ସବ 10 ସେପ୍ଟେମ୍ବର 2021 ରୁ ଆରମ୍ଭ ହେବ ଏବଂ କ୍ୟାଲେଣ୍ଡର ଅନୁଯାୟୀ ଗଣେଶ ମହୋତ୍ସବ 19 ସେପ୍ଟେମ୍ବର 2021, ରବିବାର ଦିନ ଭାଦ୍ରବ ମାସର ଶୁକ୍ଲ ପକ୍ଷର ଚତୁର୍ଦଶୀ ରେ ଶେଷ ହେବ । ତେବେ ଗଣେଶ ମହୋତ୍ସବର ପର୍ବ 10 ଦିନ ପାଇଁ ପାଳନ କରାଯାଏ ।
ପୌରାଣିକ ମାନ୍ୟତା ଅନୁସାରେ ଭାଦ୍ରବ ମାସର ଶୁକ୍ଳ ପକ୍ଷ ଚତୁର୍ଥୀ ତିଥିରେ କୈଳାସ ପର୍ବତରୁ ମାତା ପାର୍ବତୀଙ୍କ ସହିତ ଗଣେଶ ଜୀଙ୍କ ଆଗମନ ହୋଇଥିଲା । ଏହି କାରଣ ପାଇଁ ଏହି ଦିନ ଗଣେଶ ଚତୁର୍ଥୀ ରୂପରେ ପାଳନ କରାଯାଏ । ସ୍କନ୍ଧ ପୁରାଣ, ନାରଦ ପୁରାଣ, ବ୍ରହ୍ମ ବୈବର୍ତ୍ତ ପୁରାଣରେ ଗଣେଷଙ୍କର ବର୍ଣ୍ଣନା ମିଳିଥାଏ । ଭଗବାନ ଗଣେଶ ହେଉଛନ୍ତି ଜ୍ଞାନ ଦାତା । ଏହାସହିତ ତାଙ୍କୁ ବିଘ୍ନହତା ବି କୁହାଯାଏ । ଯାହାର ଅର୍ଥ ସବୁ ସଂକଟ ଦୂର କରିବା । ଏହି ପର୍ବକୁ ବିନାୟକ ଚତୁର୍ଥୀ ନାମରେ ବି ଜଣାଯାଏ ।
ଗଣେଷ ଚତୁର୍ଥୀ ୧୦ ସେପ୍ଟେମ୍ବର ୨୦୨୧ରେ ପଡୁଥିବା ବେଲେ ମଧ୍ୟାହ୍ନ ଗମେଷ ପୂଜା ମୁହୂର୍ତ୍ତ ୧୧.୦୩ରୁ ଦ୍ୱିପ୍ରହର ୧.୩୨ ପର୍ଯ୍ୟନ୍ତ ରହିଛି । ଚତୁର୍ଥୀ ତିଥି ଆରମ୍ଭ ୧୦ ସେପ୍ଟେମ୍ବର ୨୦୨୧ ଦ୍ୱିପ୍ରହର ୧୨.୧୮ରୁ ଆରମ୍ଭ ହୋଇ ରାତି ୯.୫୭ରେ ସମାପ୍ତ ହେବ । ଗମେଶ ମହୋତ୍ସବ ଆରମ୍ଭ ୧୦ ସେପ୍ଟେମ୍ବର ୨୦୨୧ରୁ ଆରମ୍ଭ ହୋଇ ୧୯ ସେପ୍ଟେମ୍ବର ୨୦୨୧ ଯାଏଁ ଚାଲିବ ଏବଂ ଗଣେଶ ବିସର୍ଜନ ୧୯ ସେପ୍ଟେମ୍ବର ୨୦୨୧ ରବିବାର ହେବ ।
