ଆମେରିକାର ଶୀତକାଳୀନ ଝଡ଼: ୧୪ ହଜାରରୁ ଅଧିକ ବିମାନ ବାତିଲ

ନୂଆଦିଲ୍ଲୀ: ଆମେରିକାରେ ଭୟଙ୍କର ଶୀତକାଳୀନ ଝଡ । ନ୍ୟୁ ମେକ୍ସିକୋରୁ ନ୍ୟୁ ଇଂଲଣ୍ଡ ଯାଏଁ ୨,୦୦୦ ମାଇଲ ପରିବ୍ୟାପ୍ତ ଅଞ୍ଚଳରେ ପ୍ରବଳ ତୁଷାରପାତ ଦେଖାଦେଇଛି । ୮ ଲକ୍ଷ ୫୦ ହଜାରରୁ ଅଧିକ ଗ୍ରାହକଙ୍କ ବିଦ୍ୟୁତ ବିଚ୍ଛିନ୍ନ ହୋଇଛି । ୧୪,୦୦୦ରୁ ଅଧିକ ବିମାନ ବାତିଲ ହୋଇଛି  ଏଥି ସହିତ ୨୦ଟି ରାଜ୍ୟରେ ଜରୁରୀକାଳୀନ ଘୋଷଣା କରାଯାଇଛି । ଏନେଇ ଜାତୀୟ ପାଣିପାଗ ସେବା ୩,୨୨୦ କିଲୋମିଟରରୁ ଅଧିକ ବ୍ୟାପି ଆଉ ଏକ ଝଡ ପାଇଁ ଜରୁରୀ ସତର୍କତା ଜାରି କରିଛି । କମ ଶୀତଳ ତାପମାତ୍ରା, ତୁଷାରପାତ ଏବଂ ପ୍ରବଳ ବର୍ଷା କିଛି ଦିନ ପାଇଁ ଲାଗି ରହିବ । ବ୍ୟାପକ କ୍ଷୟକ୍ଷତି, ଗଛ ଉପୁଡିଯିବା, ବରଫ ପଡିଥିବା ଅଞ୍ଚଳରେ ବଜ୍ରାପାତ- ତୁଷାରପାତ ହେବା ନେଇ କୁହାଯାଇଛି । ଆମେରିକୀୟ ଏୟାରଲାଇନ୍ସର ୪୩ ପ୍ରତିଶତ ଏବଂ ଡେଲ୍ଟାର ୩୫% ବିମାନ କାର୍ଯ୍ୟସୂଚୀକୁ ଗ୍ରାଉଣ୍ଡେଡ୍ କରିଥିଲେ, ଯେତେବେଳେ ହଜାର ହଜାର ବିମାନ ବିଳମ୍ବର ସମ୍ମୁଖୀନ ହୋଇଥିଲେ। ବନ୍ଦ ରନୱେ ଏବଂ ବରଫ ସଫା କରିବା ଚ୍ୟାଲେଞ୍ଜ ମଧ୍ୟରେ ପରିବର୍ତ୍ତନ ପାଇଁ ପ୍ରସ୍ତୁତ ରହିବାକୁ ଏୟାରଲାଇନ୍ସ ଯାତ୍ରୀମାନଙ୍କୁ ଅନୁରୋଧ କରିଥିଲା।