କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନ ନେଇ ଏବେ ରାଜନୀତି ସରଗରମ ରହିଛି । ଏହାରି ମଧ୍ୟରେ ତୃଣମୂଳ କଂଗ୍ରେସ ୪ ସିଟରେ ଆଶୀୟୀ ପ୍ରାର୍ଥୀଙ୍କୁ ପରିବର୍ତ୍ତନ କରିଛି । ରାଜ୍ୟରେ ପ୍ରଥମ ପର୍ଯ୍ୟାୟ ଭୋଟ ଗ୍ରହଣ ପୂର୍ବରୁ ଦଳ ଏହି ନିଷ୍ପତି ନେଇଛି । ଟିଏମସି ନର୍ଥ ୨୪ ପରଗନା ଜିଲ୍ଲାର ଦୁଇ ପ୍ରାର୍ଥୀ ଓ ନଦିୟା ଜିଲ୍ଲା ଏବଂ ବୀରଭୂମ ଜିଲ୍ଲାର ଜଣେ ପ୍ରାର୍ଥୀଙ୍କୁ ପରିବର୍ତ୍ତନ କରିଛି ।
ମିଳିଥିବା ସୂଚନା ଅନୁସାରେ, ଟିଏମସି ପ୍ରଥମ ପର୍ଯ୍ୟାୟ ନିର୍ବାଚନ ପୂର୍ବରୁ ୪ ସିଟରେ ପ୍ରାର୍ଥୀଙ୍କୁ ବଦଳାଇଛି । ଦଳ କଲ୍ୟାଣ ସିଟରେ ଅନିରୁଦ୍ଧ ବିଶ୍ୱାସ, ଅଶୋକ ନଗରରେ ନାରାୟଣ ଗୋସ୍ୱାମୀ, ଆମଦାନାରେ ରଫିକୁର ରହମାନ ଓ ଦୁବରାଜପୁରରେ ଦେବବ୍ରତ ସାହାଙ୍କୁ ମଇଦାନକୁ ଆଣିଛି । ଦଳ ପୂର୍ବରୁ ଏହି ଆସନ ପାଇଁ ପ୍ରାର୍ଥୀ ଘୋଷଣା କରିସାରିଛି ।
ତୃଣମୂଳ କଂଗ୍ରେସ କଲ୍ୟାଣରେ ରମେନ୍ଦ୍ର ନାଥ ବିଶ୍ୱାସଙ୍କ ବଦଳରେ ଅନିରୁଦ୍ଧ, ଅଶୋକନଗରରେ ଧୀମନ ରାୟଙ୍କ ବଦଳରେ ନାରାୟଣ ଗୋସ୍ୱାମୀ, ଆମଦାନାରେ ମୃତର୍ଜାଙ୍କ ବଦଳରେ ରଫିକୃର ଓ ଦୃବରାଜପୁରରେ ଆସିମାଙ୍କ ବଦଳରେ ଦେବବ୍ରତ ସାହାଙ୍କୁ ଟିକେଟ ଦେଇଛି । କୁହାଯାଉଛି ଦଳ, ଦଳ ସମୀକରଣ ଓ ବିଜେପି ପ୍ରାର୍ଥୀଙ୍କୁ ଦେଖିବା ପରେ ଆଉ କିଛି ପରିବର୍ତ୍ତନ କରିପାରେ ।
ଭୋଟ ପୂର୍ବରୁ ଏହି ସିଟରେ ପ୍ରାର୍ଥୀ ବଦଳାଇଲା ଟିଏମସି
