ମୁମ୍ଵାଇ : ସେଣ୍ଟ୍. ହେଲେନା ଦ୍ୱୀପରେ ରହୁଥିବା କଇଁଛ ଜୋନାଥନ୍ ୧୯୧ତମ ଜନ୍ମଦିନ ପାଳନ କରିଛି । ତା’ର ପ୍ରକୃତ ବୟସ ସ୍ପଷ୍ଟ ନ ଥିଲେ ମଧ୍ୟ ଗିନିଜ୍ ବିଶ୍ୱ ରେକର୍ଡସ ଅନୁସାରେ, ୧୮୮୨ ମସିହାରେ ସେସେଲ୍ସଠାରୁ ସେଣ୍ଟ୍. ହେଲେନା ଦ୍ୱୀପକୁ ଆସିବାବେଳେ ତା’ର ବୟସ ଅତିକମ୍ରେ ୫୦ ବର୍ଷ ଥିଲା ।
ଜୋନାଥନ୍ ନିଜ ପ୍ରଜାତିଙ୍କର ହାରାହାରି ଜୀବନକାଳ ୧୫୦ ବର୍ଷ ବୟସକୁ ଅତିକ୍ରମ କରିସାରିଛି । ଦୀର୍ଘ ସମୟ ଧରି ଜୋନାଥନ୍ର ଚିକିତ୍ସା କରୁଥିବା ଜୋ ହଲିନ୍ସ କହିଛନ୍ତି, ଏବେ ବି ଏହା ସମ୍ପୂର୍ଣ୍ଣ ସୁସ୍ଥ ଅଛି । ଏହା ଘ୍ରାଣ ଶକ୍ତି ଓ ମୋତିଆବିନ୍ଦୁ ଯୋଗୁ ଦୃଷ୍ଟିଶକ୍ତି ହରାଇଛି । ତଥାପି ଏହାର ଖାଦ୍ୟପେୟ ରୁଚି ଅପରିବର୍ତ୍ତିତ ରହିଛି ।
ତା’ର ରକ୍ଷଣାବେକ୍ଷଣରେ ନିଯୁକ୍ତ ଟିମ୍ ସପ୍ତାହରେ ଥରେ ତାକୁ ହାତରେ ଫଳ ଓ ପରିବା ଖୁଆଉଛନ୍ତି । ଏହାକୁ ଆବଶ୍ୟକ ପୋଷଣ ପ୍ରଦାନ କରୁଛି । ଏହି ଜୀବ ପୃଥିବୀ ପୃଷ୍ଠରେ ବାସ କରୁଥିବା ସମସ୍ତ ଜୀବଙ୍କ ଜୀବନକାଳକୁ ପାର କରିସାରିଛି, ଯାହା ଅତ୍ୟନ୍ତ ଆଶ୍ଚର୍ଯ୍ୟର କଥା ବୋଲି ହୋଲିନ୍ସ ଗିନିଜ୍ ବିଶ୍ୱ ରେକର୍ଡସକୁ କହିଛନ୍ତି ।
