ନୂଆଦିଲ୍ଲୀ: କୁହାଯାଏ ବଡ଼ ଭଉଣୀ ମା’ ସମାନ । ବଡ଼ ଭଉଣୀ ସାନମାନଙ୍କୁ ମା’ ଭଳି ସ୍ନେହ ଆଦର କରିଥାଏ । ଘରେ ମାଆ ନଥିଲେ ବଡ଼ ଭଉଣୀ ସାନ ଭାଇ-ଭଉଣୀଙ୍କ ସବୁ କିଛି । ବଡ଼ ଭଉଣୀ, ଯାହାକୁ ମାତ୍ର ୧୩ ବର୍ଷ । ସେ ନିଜ ପ୍ରେମିକ ସହ ମିଶି ସାନ ଭଉଣୀକୁ ହତ୍ୟା କରିଛି । ଖାଲି ହତ୍ୟା କରିଛି ତାହା ନୁହେଁ, ଗୋଟିଏ ବାକ୍ସ ଭିତରେ ବନ୍ଦ କରି ସାନ ଭଉଣୀର ମୃତଦେହକୁ ପ୍ରାୟ ୪ ଦିନ ପର୍ଯ୍ୟନ୍ତ ଘରେ ରଖିଥିଲା । ଏତିକିରେ କଥା ସରିନି । ଧରାପଡ଼ିଯିବା ଭୟରେ ବଡ଼ ଭଉଣୀ, ପ୍ରେମିକ ସହ ମିଶି ମୃତ ଦେହକୁ କାଟି ଖଣ୍ଡ ଖଣ୍ଡ କରିଦେଲା । ଆଉ ତାପରେ ଏସିଡ୍ ପକାଇ ମୃତଦେହର ଚିହ୍ନ ବର୍ଣ୍ଣ ଲିଭାଇବାକୁ ଚେଷ୍ଟା କରିଥିଲା । ହେଲେ ବିଫଳ ହେଲା ।
ଏସିଡ ପକାଇବା ପରେ ସେ ଘର ପଛ ପଟେ ଥିବା ଏକ ପରିତ୍ୟକ୍ତ ସ୍ଥାନରେ ଭଉଣୀର ମୃତ ଦେହକୁ ଫିଙ୍ଗି ଦେଇଥିଲା । ବୈଶାଳୀର ସ୍ଥାନୀୟ ଏସ୍ପି ରବି ରଞ୍ଜନ କୁମାର କହିଛନ୍ତି ଯେ, ୧୩ ବର୍ଷିୟ ନାବାଳିକା ଅଭିଯୁକ୍ତର ଜଣେ ପୁଅ ସହ ପ୍ରେମ ସମ୍ପର୍କ ରହିଥିଲା । ପ୍ରେମିକ ଜଣକ ସେହି ପାଖ ଗାଁର । ମେ’ ୧୫ ତାରିଖ ରାତିରେ ସାନ ଭଉଣୀ କରୀନା, ବଡ଼ ଭଉଣୀ ଓ ତାର ପ୍ରେମିକକୁ ଅସଞ୍ଜତ ଅବସ୍ଥାରେ ଦେଖିଦେଇଥିଲା । ଯେଉଁଥି ପାଇଁ ଉଭୟ କରୀନାର ହତ୍ୟା କରିବାକୁ ମନ ସ୍ଥିର କରିଥିଲେ । ଆଉ ଶେଷରେ ତାର ହତ୍ୟା ବି କରିଥିଲେ । ତା’ପରେ ଘର ଭିତରେ ଏକ ବାକ୍ସ ଭିତରେ ତାର ମୃତଦେହକୁ ପ୍ରାୟ ୪ ଦିନ ପର୍ଯ୍ୟନ୍ତ ବନ୍ଦ କରି ରଖିଥିଲେ । ଯେତେବେଳେ ମୃତଦେହଟି ପଚି ଦୁର୍ଗନ୍ଧ ବାହାରିବାକୁ ଲାଗିଲା, ସେତେବେଳେ ବଡ଼ ଭଉଣୀ ପ୍ରେମିକା ସହ ମିଶି ମୃତଦେହକୁ ଖଣ୍ଡ ଖଣ୍ଡ କରି ଏସିଡ୍ ପକାଇ ପୋଡ଼ିବାକୁ ଚେଷ୍ଟା କଲେ । ଆଉ ତାପରେ ଶବକୁ ଘର ପଛପଟେ ଫିଙ୍ଗି ଦେଇଥିଲେ ।
