ବ୍ରିଜ ତଳକୁ ଖସିଲା କାର

ବଲାଙ୍ଗୀର : ଆଜି ବଲାଙ୍ଗୀର ପୁଇଁନ୍ତଳା ଥାନା ଅଞ୍ଚଳରେ କାରରେ ଚାଲାଣ ହେଉଥିଲା ଗଞ୍ଜେଇ । କାରରେ ଗଞ୍ଜେଇ ଚାଲାଣ ହେଉଥିବା ଖବର ପୁଇଁନ୍ତଳା ପୋଲିସ ପାଇଥିଲା । ପରେ କାରକୁ ପିଛା କରିଥିବାବେଳେ କାରର ଚାଳକ ଭୟରେ କାରକୁ ଚଳାଇବା ସମୟରେ କାରଟି ବ୍ରିଜ ତଳକୁ ଖସିପଡିଥିଲା । ପୋଲିସ ଘଟଣାସ୍ଥଳରେ ପହଞ୍ଚିଲା ବେଳକୁ କାରର ଚାଳକଙ୍କ ସମେତ କାରରେ ଥିବା ସମସ୍ତ ବ୍ୟକ୍ତି ଫେରାର ହୋଇଯାଇଛନ୍ତି । କିଏ ଓ କେଉଁଠିକି ଗଞ୍ଜେଇ ଚାଲାଣ କରୁଥିଲା ତାର କାରଣ ଏ ପର୍ଯ୍ୟନ୍ତ ଅସ୍ପଷ୍ଟ ରହିଛି । ପୋଲିସ ଏହି ଘଟଣାରେ ଆଉ କିଏ ସମ୍ପୃକ୍ତ ଅଛନ୍ତି ତାର ତଦନ୍ତ ଆରମ୍ଭ କରିଛି ।