ସୁନ୍ଦରଗଡ଼ : ସୁନ୍ଦରଗଡ଼ ଜିଲ୍ଲା ଲହୁଣୀପଡ଼ା ଥାନା ଅନ୍ତର୍ଗତ ଭଳିଆ ଡ଼ିହି ଗ୍ରାମରେ ଘଟିଛି ଅଘଟଣ । ଗତ ରବିବାର ନାବାଳିକା ନିଜ ପିଉସୀ ଘରକୁ ଯାଇଥିଲେ ହେଲେ ଗତକାଲି ଜଙ୍ଗଲରୁ ତାଙ୍କର ମୃତଦେହ ମିଳିଛି । ନାବାଳିକାଙ୍କୁ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି। ଗତ ରବିବାର ଦିନ ନାବାଳିକା ଜଣଙ୍କ ପିଉସୀ ଘର ହଳଦୀକାଣ୍ଟିକୁ ଯାଇଥିଲା। ବୁଧବାର ସକାଳେ ନାବାଳିକା ଜଣଙ୍କ ପିଉସୀ ଘରେ ନଥିଲେ। ପିଉସୀ ଘର ଲୋକେ ଓ ନାବାଳିକାଙ୍କ ପରିବାର ଲୋକେ ଚାରିଆଡ଼େ ତାଙ୍କୁ ଖୋଜାଖୋଜି କରିଥିଲେ, ହେଲେ ପାଇ ନଥିଲେ। ଏନେଇ ଥାନାରେ ଅଭିଯୋଗ କରିଥିଲେ ପରିବାର ଲୋକେ। ଗତକାଲି ସନ୍ଧ୍ୟାରେ ନାବାଳିକାଙ୍କ ମୃତଦେହକୁ ପିଉସୀଙ୍କ ଗାଁ ନିକଟରେ ଥିବା ଜଙ୍ଗଲରୁ ମିଳିଥିଲା। ପୁଲିସ ନାବାଳିକାଙ୍କ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି। ନାବାଳିକାଙ୍କ ଶରୀରର ବିଭିନ୍ନ ସ୍ଥାନରେ କ୍ଷତି ଚିହ୍ନ ରହିଛି। ନାବାଳିକାଙ୍କୁ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି। ପୁଲିସ ଘଟଣାର ତଦନ୍ତ କରୁଛି।
