ଭୁବନେଶ୍ୱର: ନଭେମ୍ବର ୭ରେ ପାଳନ ହେବ ବଙ୍କିମ ଚନ୍ଦ୍ର ଚାଟାର୍ଜୀଙ୍କ ଦ୍ୱାରା ରଚିତ ରାଷ୍ଟ୍ରୀୟ ସଙ୍ଗୀତ ‘ବନ୍ଦେ ମାତରମ’ର ୧୫୦ ବର୍ଷ ପୂର୍ତ୍ତି। ଏହି ମାଇଲଖୁଣ୍ଟକୁ ସ୍ମରଣ କରିବା ପାଇଁ ଏକ ଉତ୍ସବ ଆରମ୍ଭ କରାଯାଇଛି, ଯାହା ଅଧୀନରେ ରାଜ୍ୟର ସମସ୍ତ ଶିକ୍ଷାନୁଷ୍ଠାନଗୁଡ଼ିକରେ ଏହି ସଙ୍ଗୀତ ଗାନ କରାଯିବ। ଏହି ଅବସରରେ ସ୍କୁଲ, କଲେଜରେ ରାଷ୍ଟ୍ରୀୟ ସଙ୍ଗୀତ ‘ବନ୍ଦେ ମାତରମ’ ଗାନ କରିବେ ଛାତ୍ରଛାତ୍ରୀ। ଏନେଇ ଓଡିଆ ଭାଷା, ସାହିତ୍ୟ ବିଭାଗ ପକ୍ଷରୁ ଗଣଶିକ୍ଷା/ଉଚ୍ଚଶିକ୍ଷା ବିଭାଗକୁ ଚିଠି ଲେଖାଯାଇଛି।
ଭାରତର ସ୍ୱାଧୀନତା ସଂଗ୍ରାମ ସମୟରେ ଏକ ଜନଆନ୍ଦୋଳନର ବିଷୟ ପାଲଟିଥିବା ଏହି ଗୀତକୁ ପ୍ରଥମେ ଗୁରୁଦେବ ରବୀନ୍ଦ୍ରନାଥ ଟାଗୋର ୧୮୯୬ ମସିହାରେ କଲିକତାରେ ଅନୁଷ୍ଠିତ ଭାରତୀୟ ଜାତୀୟ କଂଗ୍ରେସ ଅଧିବେଶନରେ ସାର୍ବଜନୀନ ଭାବରେ ଗାଇଥିଲେ ଏବଂ ପରେ କଲିକତାରେ ଅନୁଷ୍ଠିତ ହୋଇଥିଲା। ସ୍ୱାଧୀନତା ପୂର୍ବ ବର୍ଷଗୁଡ଼ିକରେ, ଏହାର ପ୍ରଥମ ଦୁଇଟି ପଦ ନିୟମିତ ଭାବରେ ପ୍ରତ୍ୟେକ କଂଗ୍ରେସ ଅଧିବେଶନରେ ଗାନ କରାଯାଉଥିଲା। ଜାନୁଆରୀ ୨୪, ୧୯୫୦ରେ, ଭାରତର ପ୍ରଥମ ରାଷ୍ଟ୍ରପତି ଡକ୍ଟର ରାଜେନ୍ଦ୍ର ପ୍ରସାଦ ସମ୍ବିଧାନ ସଭାରେ ଘୋଷଣା କରିଥିଲେ ଯେ “ବନ୍ଦେ ମାତରମ୍” ଜାତୀୟ ସଙ୍ଗୀତ “ଜନ ଗଣ ମନ” ପରି ସମାନ ମର୍ଯ୍ୟାଦା ଏବଂ ସମ୍ମାନ ପାଇବ। କେନ୍ଦ୍ରର ନିର୍ଦ୍ଦେଶ ପରେ, ଏହି ଉତ୍ସବର ଶୁଭାରମ୍ଭ କରାଯାଇଛି । ଗୋଟିଏ ଦିନ ଦେଶ ପାଇଁ ପୁଣି ଏକ ହେବ ଓଡ଼ିଶା।
