ନୂଆଦିଲ୍ଲୀ : ହିନ୍ଦୀ ଫିଲ୍ମରେ ନିଜର ଜଲୱା ଦେଖାଇବା ପରେ ଏବେ ସାଉଥ୍ ଇଣ୍ଡଷ୍ଟ୍ରିରେ ଡେବ୍ୟୁ କରିବେ ସଲମାନ ଖାନ। ସେ ସାଉଥ ସୁପରଷ୍ଟାର ଚିରଞ୍ଜୀବୀଙ୍କ ଫିଲ୍ମ ‘ଗଡଫାଦର’ରେ ନଜର ଆସିବେ। ସଲମାନ ଏହି ଫିଲ୍ମ ମାଧ୍ୟମରେ ତେଲୁଗୁ ସିନେମାରେ ପାଦ ଦେବେ। ସଲମାନ ଏପର୍ଯ୍ୟନ୍ତ ଅନେକ ତାମିଲ ଏବଂ ତେଲୁଗୁ ଫିଲ୍ମର ହିନ୍ଦୀ ରିମେକରେ କାମ କରିଛନ୍ତି। କିନ୍ତୁ ପ୍ରଥମ ଥର ପାଇଁ ତାଙ୍କୁ ଏକ ତେଲୁଗୁ ଫିଲ୍ମରେ ଦେଖିବାକୁ ମିଳିବ।
ଚିରଞ୍ଜୀବୀ ସଲମାନଙ୍କୁ ଫିଲ୍ମରେ ପୁଷ୍ପଗୁଚ୍ଛ ଦେଇ ସ୍ୱାଗତ କରିଛନ୍ତି ଏବଂ ସୋସିଆଲ ମିଡିଆରେ ଏକ ଫଟୋ ସେୟାର କରି ସୁନ୍ଦର ନୋଟ୍ ଲେଖିଛନ୍ତି। ଫିଲ୍ମରେ ସଲମାନଙ୍କୁ ସ୍ୱାଗତ କରି ଚିରଞ୍ଜୀବୀ ଟ୍ୱିଟରରେ ଲେଖିଛନ୍ତି, ‘ଗଡଫାଦରରେ ତୁମକୁ ସ୍ୱାଗତ ଭାଇ । ତୁମର ଏଣ୍ଟ୍ରି ସମସ୍ତଙ୍କ ଭିତରେ ଏନର୍ଜି ଏବଂ ଏକ୍ସାଇଟମେଣ୍ଟ ଭରି ଦେଇଛି । ତୁମ ସହିତ ସ୍କ୍ରିନ କରିବା ଏକ ଆନନ୍ଦଦାୟକ।’
