ଚାଇନା ମାଷ୍ଟର୍ସ କ୍ୱାର୍ଟର୍‌ରେ ପ୍ରଣୟ, ସାତ୍ତ୍ୱିକ୍‌-ଚିରାଗ

ନୂଆଦିଲ୍ଲୀ: ଭାରତୀୟ ଶଟ୍‌ଲର୍ ଏଚ୍‌ଏସ୍ ପ୍ରଣୟ ଏବଂ ସାତ୍ତ୍ୱିକସାଇରାଜ ରାଙ୍ଗିରେଡ୍ଡୀ ଓ ଚିରାଗ ସେଟ୍ଟୀଙ୍କ ଯୋଡ଼ି ଚାଇନା ମାଷ୍ଟର୍ସ ବ୍ୟାଡ୍‌ମିଣ୍ଟନ୍ ଟୁର୍ଣ୍ଣାମେଣ୍ଟ୍‌ର କ୍ୱାର୍ଟର୍ ଫାଇନାଲ୍‌ରେ ପ୍ରବେଶ କରିଛନ୍ତି । ବିଶ୍ୱ ଚାମ୍ପିଅନ୍‌ଶିପ୍ ବ୍ରୋଞ୍ଜ୍ ବିଜେତା ପ୍ରଣୟ ପୁରୁଷ ସିଙ୍ଗଲ୍ସ ପ୍ରି-କ୍ୱାର୍ଟର୍ ଫାଇନାଲ୍‌ରେ ଗୁରୁବାର ଡେନ୍‌ମାର୍କର ମାଗ୍ନସ୍ ଜୋହାନ୍‌ସେନଙ୍କୁ ସିଧାସଳଖ ୨୧-୧୨, ୨୧-୧୮ ଗେମ୍‌ରେ ହରାଇ ନିଜ ଦକ୍ଷତାର ପରିଚୟ ଦେଇଛନ୍ତି । ଅଷ୍ଟମ ସିଡ୍ ପ୍ରଣୟ କ୍ୱାର୍ଟର୍ ଫାଇନାଲ୍‌ରେ ତୃତୀୟ ସିଡ୍ ଜାପାନର କୋଡାଇ ନାରାଓକାଙ୍କୁ ଭେଟିବେ । ଅନ୍ୟପକ୍ଷରେ ପୁରୁଷ ଡବଲ୍ସରେ ଟପ୍‌ସିଡ୍ ସାତ୍ତ୍ୱିକ-ଚିରାଗ ସେଟ୍ଟୀଙ୍କ ଟପ୍‌ସିଡ୍ ଯୋଡ଼ି ୨୧-୧୫, ୨୧-୧୬ରେ ଜାପାନୀ ଯୋଡ଼ି ଆକିରା କୋଗା ଓ ତାଇଚି ସାଇତୋଙ୍କୁ ପରାସ୍ତ କରି ନିଜର ଶ୍ରେଷ୍ଠ ପ୍ରଦର୍ଶନ ଜାରି ରଖିଛନ୍ତି । କ୍ୱାର୍ଟର ଫାଇନାଲ୍‌ରେ ଭାରତୀୟ ଯୋଡ଼ିଙ୍କ ପରବର୍ତ୍ତୀ ମୁକାବିଲା ଇଣ୍ଡୋନେସିଆ ଯୋଡ଼ି ଲିଓ ରୋଲି କାର୍ନାଣ୍ଡୋ ଓ ଡାନିଏଲ ମାର୍ôଥନଙ୍କ ସହ ହେବ । ପ୍ରଣୟଙ୍କ ଷ୍ଟ୍ରାଟେଜିକ୍ ପ୍ଲେ ଏବଂ ସାତ୍ତ୍ୱିକ-ଚିରାଗଙ୍କ ଜବରଦସ୍ତ ଭାଗିଦାରୀ ଚାଇନା ମାଷ୍ଟର୍ସ ଟୁର୍ଣ୍ଣାମେଣ୍ଟରେ ଭାରତର ଦମଦାର ଉପସ୍ଥିତିକୁ ଦର୍ଶାଉଛି । ସୂଚନାଯୋଗ୍ୟ, ବୁଧବାର ଲକ୍ଷ୍ୟ ସେନ୍ ଓ କିଦାମ୍ବୀ ଶ୍ରୀକାନ୍ତ ଟୁର୍ଣ୍ଣାମେଣ୍ଟ୍‌ର ପ୍ରଥମ ରାଉଣ୍ଡ୍‌ରୁ ବିଦାୟ ନେଇଥିଲେ ।