୧୬ ବର୍ଷର ଝିଅ ସହ ବାପା ମାଆ କଲେ ଏମିତି କାମ, ଜାଣିଲେ ଲୋମ ମୂଳ ଟାଙ୍କୁରି ଉଠିବ

ନୂଆଦିଲ୍ଲୀ: ରାଜସ୍ଥାନର ପାଲ୍ଲି ଜିଲ୍ଲାରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଜଣେ ମା ନିଜ ଝିଅକୁ ତଣ୍ଟି ଚିପି ମାରିବା ସହ ନିଆଁ ଲଗାଇ ଜାଳି ଦେବା ପରେ ପୋତି ଦେବା ଭଳି ଘଟଣା ଏବେ ଚାଞ୍ଚଲ୍ୟ ସୃଷ୍ଟି କରିଛି । ତେବେ ଏହି ଘଟଣାରେ ଉକ୍ତ ମହିଳାଙ୍କ ଭାଇଭ୍ରୁ ଅନର କିଲିଂ ମାମଲାରେ ସେ ପୋଲିସର ସନ୍ଦେହ ଦୃଷ୍ଟିରେ ରହିଥିବା ପୋଲିସ ପକ୍ଷରୁ ସୂଚନା ଦିଆଯାଇଛି । ତେବେ ପୋତା ହୋଇଥିବା ପୋଡା ଶବକୁ ପୋଲିସ ଖୋଳି ବାହାର କରିବା ପରେ ବ୍ୟବଚ୍ଛେଦ ପାଇଁ ପଠାଇଛି । ଏହି ଘଟଣା ପରେ ମା ସୀତା ଦେବୀ ଏବଂ ଭାଇ ସଓାରାମକୁ ପୋଲିସ ଗିରଫ କରିଥିବା ସୂଚନା ମିଳିଛି । ତେବେ ଏହି ଘଟଣାଟି ମାର୍ଚ୍ଚ ୧୯ ତାରିଖରେ ଥିଲା । ହେଲେ ଏହାକୁ ଚପାଇ ରଖାଯାଇଥିଲା ବୋଲି ଏସପି ରାହୁଲ କୋଟକୀ ସୂଚନା ଦେଇଛନ୍ତି । ତେବେ ଏହା ଜଣାପଡିବା ପରେ ଏକ ମାମଲା ରୁଜୁ କରାଯାଇ ସୀତା ଦେବୀ ଏବଂ ସଓାରାମଙ୍କୁ ପୋଲିସ ଗିରଫ କରିଛି । ପୋଲିସ ଆହୁରି ମଧ୍ୟ କହିଛି ଯେ, ପାଲ୍ଲି ଜିଲ୍ଲାର ସୋନାଇ ଗାଁରେ ରହୁଥିବା ଶେଷରାମ ଏବଂ ସଓାରାମ ଦୁଇ ଭାଇ ବହୁଦିନ ପୂର୍ବରୁ ପୁନେକୁ ସିଫ୍ଟ ହୋଇଥିଲେ । ଏବଂ ସେଠାରେ ଏକ ଗ୍ରସରୀ ଦୋକାନ ମଧ୍ୟ କରିଥିଲେ । ତେବେ ମୃତକ ଜଣକ ଶେଷରାମ ର ଝିଅ ରିଙ୍କୁ ଥିଲେ । ଏବଂ ପୁନେର ଜଣେ ଯୁବକଙ୍କ ସହ ତାଙ୍କର ପ୍ରେମ ସଂପର୍କ ରହିଥିଲା ଓ ସେ ଉକ୍ତ ଯୁବକ ସହ ଲୁଚି ପଳାଇଥିଲେ । ଏନେଇ ରିଙ୍କୁର ପରିବାର ଲୋକେ ପୋଲିସ ନିକଟରେ ଅଭିଯୋଗ କରିଥିଲେ । ଏହାପରେ ଜାଦର ରେଳ ଷ୍ଟେସନ ନିକଟରେ ପୋଲିସ ଏ ଦୁହିଁଙ୍କୁ ଧରିଥିଲା । ଉକ୍ତ ଯୁବକଙ୍କୁ ଗିରଫ କରିଥିବା ବେଳେ ଯେହେତୁ ଝିଅଟି ନାବାଳିକା , ସେଥିପାଇଁ ପୋଲିସ ତାକୁ ତାଙ୍କ ପରିବାରକୁ ହସ୍ତାନ୍ତର କରିଥିଲା । ପରେ କିଛି ମାସ ପରେ ଉକ୍ତ ଯୁବକ ଜଣଙ୍କ ଜାମିନରେ ଜେଲରୁ ମୁକୁଳି ଘରକୁ ଆସିଥିଲେ । ଏହାପରେ ରିଙ୍କୁ ସେହି ଯୁବକଙ୍କୁ ବିବାହ କରିବେ ବୋଲି ଜିଦି କରିଥିଲେ । ମାତ୍ର ତାଙ୍କ ପରିବାରରେ ଏହାକୁ ମନା କରିଥିଲେ । ମାର୍ଚ୍ଚ ୧୮ରେ ସେ ରାଜସ୍ଥାନ ଫେରି ଆସିଥିଲେ । ମାର୍ଚ୍ଚ ୧୯ରେ ଝିଅର ପରିବାର ଲୋକେ ତାକୁ ମାରିବା ପରେ ପୁଣି ପୁନେ ଫେରି ଯାଇଥିଲେ ବୋଲି ପୋଲିସ କହିଛି ।