ବିହାରରେ ନୂଆ ସରକାର ପାଇଁ ଚାଲିଛି ପ୍ରସ୍ତୁତି

ସୂଚନା ଅନୁସାରେ, ଆରଜେଡି ଓ କଂଗ୍ରେସ ସହ ମିଶି ସରକାର ଗଢ଼ିବ ଜେଡିୟୁ । ଏହାକୁ ଆରଜେଡି ଓ କଂଗ୍ରେସ ମଧ୍ୟ ସମର୍ଥନ ଜଣାଇଛନ୍ତି । ବିହାରରେ ନୀତୀଶ କୁମାର ହେବେ ମୁଖ୍ୟମନ୍ତ୍ରୀ ଓ ତେଜସ୍ୱୀ ଯାଦବ ହେବେ ଉପ ମୁଖ୍ୟମନ୍ତ୍ରୀ । ସରକାର ଗଠନକୁ ନେଇ ନୀତୀଶ ଓ ତେଜସ୍ୱୀଙ୍କ ମଧ୍ୟରେ କଥା ହୋଇସାରିଥିବା ଜଣାପଡିଛି ।

ସୂଚନାନୁସାରେ, ନୀତୀଶ କୁମାରଙ୍କଠାରୁ ତେଜସ୍ୱୀ ଗୃହ ବିଭାଗ ଏବଂ ବାଚସ୍ପତି ଦାବି କରିଛନ୍ତି । ଆଲୋଚନା ପରେ ଆରଜେଡି, କଂଗ୍ରେସ, ବାମପନ୍ଥୀମାନେ ଏକାଠି ହୋଇ ସିଏମ ହାଉସକୁ ଯିବେ ଯେଉଁଠାରେ ମିଳିତ ବୈଠକ ଅନୁଷ୍ଠିତ ହେବ । ଏହି ସମୟରେ ମଧ୍ୟ ଖବର ଆସିଛି ଯେ, ସିଏମ ନୀତୀଶ କୁମାର ଅପରାହ୍ନରେ ରାଜ ଭବନ ପରିଦର୍ଶନ କରିବେ । ସୂଚନାନୁସାରେ, ମହାଗଠବନ୍ଧନରେ ହୋଇଥିବା ଚୁକ୍ତି ଅନୁଯାୟୀ ନୀତୀଶ କୁମାର କେବଳ ୮-୧୦ ମାସ ପାଇଁ ବିହାରର ମୁଖ୍ୟମନ୍ତ୍ରୀ ହେବେ । ଏହା ପରେ ସେ ୨୦୨୪ ରେ ହେବାକୁ ଥିବା ଲୋକସଭା ନିର୍ବାଚନ ପାଇଁ ବିରୋଧୀ ଦଳର ପ୍ରଧାନମନ୍ତ୍ରୀ ପ୍ରାର୍ଥୀ ହେବେ ।