ନୂଆଦିଲ୍ଲୀ : ଯଦି କର୍ମଚାରୀମାନେ ଗୋଟିଏ ସଂସ୍ଥାରେ ୧୦ ବର୍ଷ ଧରି କାମ କରନ୍ତି ଏବଂ ପ୍ରତିବର୍ଷ ପ୍ରୋଭିଡେଣ୍ଟ ଫଣ୍ଡରେ ଯୋଗଦାନ କରୁଛନ୍ତି , ତେବେ ସେହି କର୍ମଚାରୀ ଅବସର ନେବା ପରେ ସେମାନେ ପେନସନ ପାଇବା ପାଇଁ ହକଦାର ଅଟନ୍ତି । ଏହା ସହିତ ଅଧିକ ବର୍ଷ ଧରି କାମ କରି ପେନସନ ପରିମାଣ ବୃଦ୍ଧିି କରାଯାଇପାରିବ । ଏହି ଯୋଜନା ଅନୁଯାୟୀ କର୍ମଚାରୀମାନେ ସେମାନଙ୍କର ସେବା ଅବଧି ଏବଂ ଦରମା ଆଧାରରେ ମାସିକ ପେନସନ ପାଇବେ । ଇପିଏସ ୧୬ ନଭେମ୍ବର ୧୯୯୫ରେ ଆରମ୍ଭ ହୋଇଥିଲା । ଏହି ଯୋଜନାର ମୂଳ ଲକ୍ଷ୍ୟ ହେଉଛି ଅବସର ପରେ ସଂସ୍ଥାର କର୍ମଚାରୀମାନଙ୍କୁ ନିୟମିତ ଆୟ ଯୋଗାଇବା ।
ଇପିଏସର ପ୍ରମୁଖ ବୈଶିଷ୍ଟ୍ୟ ଜାଣନ୍ତୁ..
ପେନସନ ପାଇବା ପାଇଁ ହିତାଧିକାରୀଙ୍କ ସର୍ବନିମ୍ନ ସେବା ଅବଧି ୧୦ ବର୍ଷ ଥିବ । ଯଦି ଆପଣ ଇପିଏଫ ସଦସ୍ୟ ଏବଂ ଆପଣ ୧୦ ବର୍ଷ ଧରି କାମ କରୁଛନ୍ତି ତେବେ ଆପଣ ଏହି ଯୋଜନା ଅଧିନରେ ପେନସନ ପାଇବାକୁ ଯୋଗ୍ୟ ଅଟନ୍ତି । ଏହାର ସର୍ବନିମ୍ନ ମାସିକ ପେନସନ ରହିଛି ୧୦୦୦ ଟଙ୍କାରୁ ମାସିକ ପେନସନ ୭୫୦୦ ଟଙ୍କାକୁ ବୃଦ୍ଧି କରିବା ପାଇଁ ଦାବି ହୋଇ ଆସୁଛି ।
ମାସିକ ପେନସନ ଗଣନା କରିବା ପାଇଁ ନିମ୍ନଲିଖିତ ସୂତ୍ର ବ୍ୟବହାର କରାଯାଏ:
ମାସିକ ପେନସନ = (ପେନସନଯୋଗ୍ୟ ଦରମା × ପେନସନଯୋଗ୍ୟ ସେବା) / ୭୦
ପେନସନଯୋଗ୍ୟ ଦରମା = ଆପଣଙ୍କର ଗତ ୬୦ ମାସର ଦରମାର ହାରାହାରି
ପେନସନଯୋଗ୍ୟ ସେବା: ସେବା ସମୟରେ ଇପିଏସରେ ଯୋଗଦାନ କରିଥିବା ବର୍ଷ ସଂଖ୍ୟା।
ଉଦାହରଣ ସ୍ୱରୂପ, ଜଣେ କର୍ମଚାରୀଙ୍କ ପେନସନଯୋଗ୍ୟ ଦରମା ୧୫,୦୦୦ ଟଙ୍କା ଏବଂ ପେନସନଯୋଗ୍ୟ ସେବା କେବଳ ୧୦ ବର୍ଷ, ତେବେ ତାଙ୍କର ମାସିକ ପେନସନ ହେବ:
ମାସିକ ପେନସନ (୧୫,୦୦୦ ଟଙ୍କା × ୧୦) / ୭୦ = ୨,୧୪୩ ଟଙ୍କା
ଏହାର ଅର୍ଥ ଯଦି କେହି ୧୦ ବର୍ଷ ପାଇଁ କାମ କରିଛନ୍ତି ଏବଂ ପ୍ରତିବର୍ଷ ପ୍ରୋଭିଡେଣ୍ଟ ଫଣ୍ଡରେ ଯୋଗଦାନ ଦେଇଛନ୍ତି, ତେବେ ସେ ଅବସର ପରେ ପେନସନ ପାଇବା ପାଇଁ ହକଦାର।
ଇପିଏସ ପାଇଁ ଯୋଗ୍ୟତା ମାନଦଣ୍ଡ କଣ ରହିଛି ଜାଣନ୍ତୁ..
ଇପିଏସ ପେନସନ ପାଇବା ପାଇଁ କିଛି ସର୍ତ୍ତ ରହିଛି । ଯେପରିକି ପେନସନ ପାଇବା ପାଇଁ କର୍ମଚାରୀଙ୍କୁ ୧୦ ବର୍ଷ ଚାକିରି କରିବାକୁ ପଡିବ । ଏହା ଛଡା ଏହି ସ୍କିମ ର ଲାଭ ୫୮ ବର୍ଷ ପରେ ହିଁ କର୍ମଚାରୀ ପାଇପାରିବେ । କର୍ମଚାରୀଙ୍କୁ ଇପିଏଫଓର ପଞ୍ଜିକୃତ ସଦସ୍ୟ ହୋଇଥିବେ । ଏବଂ ଚାକିରୀ ସମୟରେ ଇପିଏସ ଯୋଜନାରେ ରଖିଥିବା ଆବଶ୍ୟକ ।
ଇପିଏସର ପ୍ରକାର ଭେଦ
ଅବସର ପେନସନ – ଏହି ପେସନର ଲାଭ ୫୮ ବର୍ଷ ବୟସ ପରେ ପାଇପାରିବେ ।
ଅର୍ଲି ପେନସନ- ସାଧାରଣତଃ ଇପିଏଫଓ ୫୮ ବର୍ଷ ବୟସରୁ ପେନସନ ଦେଇଥାଏ । କିନ୍ତୁ ଜଣେ ସଦସ୍ୟ ପେନସନ ପାଇବାର ସର୍ତ୍ତାବଳୀକୁ ପୂରଣ କରନ୍ତି ଏବଂ ୫୮ ବର୍ଷ ବୟସ ପୂର୍ବରୁ ଅବସର ନିଅନ୍ତି , ତେବେ ସେ ୫୦ ବର୍ଷ ବୟସରେ ମଧ୍ୟ ଅର୍ଲି ପେନସନ ଦାବି କରିପାରିବେ ।
ବିଧବା ପେନସନ – ଯଦି ଜଣେ ଇପିଏଫଓ ସଦସ୍ୟଙ୍କ ଅସମୟରେ ମୃତ୍ୟୁ ହୁଏ , ତେବେ ଇପିଏଫଓ ସଦସ୍ୟଙ୍କ ପାର୍ଟନରଙ୍କୁ ପ୍ରତି ମାସରେ ବିଧବା ପେନସନ ମିଳିବ ।
ଶିଶୁ ପେନସନ- ଏହି ପେନସନ ମୃତ ସଦସ୍ୟଙ୍କ ପିଲାମାନଙ୍କ ପାଇଁ ଇପିଏସ ୯୫ ଅନୁଯାୟୀ , ମୃତ ସଦସ୍ୟଙ୍କ ଦୁଇ ସନ୍ତାନ ମଧ୍ୟ ୨୫ ବର୍ଷ ବୟସ ପଯ୍ୟନ୍ତ ମାସିକ ପେନସନ ପାଇପାରିବେ ।
ଅନାଥ ପେନସନ – ଯଦି ଜଣେ ଇପିଏଫଓ ସଦସ୍ୟ ଏବଂ ତାଙ୍କ ପତି/ପତ୍ନୀ ଉଭୟଙ୍କ ମୃତ୍ୟୁ ହୁଏ, ତେବେ ଏପରି କ୍ଷେତ୍ରରେ, ସେମାନଙ୍କର ୨୫ ବର୍ଷରୁ କମ୍ ବୟସର ଦୁଇ ପିଲା ଅନାଥ ପେନସନ ପାଇବାକୁ ହକଦାର ହେବେ।
ଅକ୍ଷମତା ପେନସନ – ଇପିଏସ ର ନିୟମ ଅନୁଯାୟୀ, ଯେଉଁ ସଦସ୍ୟମାନେ ସେମାନଙ୍କ ସେବା ସମୟରେ ସ୍ଥାୟୀ କିମ୍ବା ସମ୍ପୂର୍ଣ୍ଣ ଅକ୍ଷମ ହୋଇଯାଆନ୍ତି ସେମାନଙ୍କୁ ଅକ୍ଷମତା ପେନସନ ଦିଆଯାଇଥାଏ। ଏପରି ପରିସ୍ଥିତିରେ, ବୟସ ଏବଂ ପେନସନ ପାଣ୍ଠିରେ ୧୦ ବର୍ଷ ପାଇଁ ଅବଦାନର ସର୍ତ୍ତାବଳୀ ପ୍ରଯୁଜ୍ୟ ହେବ ନାହିଁ। ଏହାର ଅର୍ଥ ହେଉଛି ଯଦି ଜଣେ ସଦସ୍ୟ ଦୁଇ ବର୍ଷ ପାଇଁ ମଧ୍ୟ ଇପିଏସରେ ଅବଦାନ ରଖିଛନ୍ତି, ତେବେ ସେ ଏହି ପେନସନ ପାଇବାକୁ ହକଦାର।
ଇପିଏସ ପେନସନ ବୃଦ୍ଧି କରିବାର ଉପାୟ
ଆପଣଙ୍କର ଇପିଏସ ପେନସନ ବୃଦ୍ଧି କରିବା ପାଇଁ, ଆପଣଙ୍କୁ ଏପରି ପଦ୍ଧତିଗୁଡ଼ିକ ଉପରେ ଧ୍ୟାନ ଦେବାକୁ ପଡିବ ଯାହା ଏହାକୁ ସମ୍ଭବ କରିପାରିବ। ଆପଣ ଦୀର୍ଘ ସମୟ ଚାକିରି କରି ଆପଣଙ୍କର ପେନସନ ମଧ୍ୟ ବୃଦ୍ଧି କରିପାରିବେ। ତେଣୁ ଆପଣ ଯେତେ ଅଧିକ ବର୍ଷ କାମ କରିବେ, ଆପଣଙ୍କର ପେନସନଯୋଗ୍ୟ ସେବା ଏବଂ ପେନସନ ପରିମାଣ ସେତେ ଅଧିକ ହେବ। ଅଧିକ ଦରମା ଅର୍ଥ ହେଉଛି ଅଧିକ ପେନସନଯୋଗ୍ୟ ଦରମା, ଯାହା ପେନସନ ବୃଦ୍ଧି କରେ। ଇପିଏସ ଯୋଜନାରେ ନିୟମିତ ଅବଦାନ ଜାରି ରଖନ୍ତୁ, କାରଣ କେବଳ ନିୟମିତ ଅବଦାନ ସମୟ ସହିତ ଆପଣଙ୍କର ପେନସନ ବୃଦ୍ଧି କରିବ।
:
