ଭୁବନେଶ୍ୱର: ଅଟୋ ଚୋରୀ ଅଭିହଯୋଗରେ ସହୀଦନଗର ଥାନା ପୁଲିସ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତ ଜଣଙ୍କ ହେଲେ କୁରୁମନ୍ ସୁଶାନ୍ତ ରାଓ । ତାଙ୍କ ଘର ଗଞ୍ଜାମ ଜିଲା ଶେରଗଡ଼ ଅଞ୍ଚଳରେ । ସୂଚନାଯୋଗ୍ୟ ଯେ, ବାଣୀବିହାର ଛକ ନିକଟରୁ ଅଭିଯୋଗକାରୀଙ୍କର ଗୋଟିଏ ଅଟୋକୁ ସମ୍ପୃକ୍ତ ଅଭିଯୁକ୍ତ ଜଣଙ୍କ ଚୋରୀ କରି ନେଇଯାଇଥିଲେ । ଅଭିଯୋଗକାରୀ ଏନେଇ ଶହୀଦନଗର ଥାନାରେ ଅଭିଯୋଗ କରିବା ପରେ ପୁଲିସ ତଦନ୍ତ କରି ଗତ କାଲି ଅଭିଯୁକ୍ତକୁ ଆଇଡିବିଆଇ ଛକ ନିକଟରେ ଗୋଟିଏ ନମ୍ବର ବିହୀନ ଅଟୋ ଟିକୁ ବିକ୍ରୟ କରିବା ପାଇଁ ଠିଆ ହୋଇଥିବାର ବିଶେଷ ସୂତ୍ରରୁ ସୂଚନା ପାଇଥିଲେ ।
ଏହି ସୂଚାନ ଆଧାରରେ ପୁଲିସ ଘଟଣା ସ୍ଥଳରେ ପହଞ୍ଚିବା ମାତ୍ରେ ଅଭିଯୁକ୍ତ ପୁଲିସ ଟୀମଙ୍କୁ ଦେଖିବା ମାତ୍ରେ ଉକ୍ତ ଚୋରୀ ଅଟୋ ଟିକୁ ନେଇ ଚାଲି ଯାଇଥିଲେ । ପୁଲିସ ଟୀମ ଅଭିଯୁକ୍ତର ପିଛା କରିବା ସହ ଅଭିଯୁକ୍ତକୁ ଚୋରୀ ଅଟୋ ସହିତ ବିଏମସି ଅଫିସ ନିକଟରେ କାବୁ କରିନେଇଥିଲେ । ପଚରା ଉଚରା ବେଳେ ଅଭିଯୁକ୍ତ ନିଜର ଅପରାଧ ସ୍ୱୀକାର କରିବା ସହ ନିଜ ସ୍ତ୍ରୀଙ୍କ ଚିକିତ୍ସା ପାଇଁ ଟଙ୍କା ଆବଶ୍ୟକ ଥିବାରୁ ଉକ୍ତ ଅଟୋଟିକୁ ଗତ ତା ୧୬.୦୭.୨୦୨୩ ରିଖ ଭୋର ସମୟରେ ଚୋରୀ କରି ପ୍ରଥମେ ମାଷ୍ଟର କ୍ୟାଣ୍ଟିନ ନିକଟରେ ଲୁଚାଇ ରଖିଥିଲେ । ପରେ ଉକ୍ତ ଅଟୋ ଟିକୁ ଆଣି ବିକ୍ରୟ ପାଇଁ ଚେଷ୍ଠା କରୁଥିବା ଦର୍ଶାଇଥିଲେ ।
