ଜିଏସଟି ସଂଗ୍ରହ ୧.୧୫ ଲକ୍ଷ କୋଟି ପାର୍

ନୂଆଦିଲ୍ଲୀ: ବର୍ଷ ୨୦୨୦ ସରିଯାଇଛି ଏବଂ ୨୦୨୧ ଆଗମନ କରିଛି । ହେଲେ ୨୦୨୦ ଯିବା ପୂର୍ବରୁ ଇକୋନୋମି ପାଇଁ ବହୁତ ଭଲ ରେକର୍ଡ ଦେଇ ଯାଇଛି । ଡିସେମ୍ବରରେ ଜିଏସଟି ସଂଗ୍ରହ ଏପର୍ଯ୍ୟନ୍ତ ସର୍ବୋଚ୍ଚ ସ୍ତର ସହ ୧.୧୫ ଲକ୍ଷ କୋଟି ଟଙ୍କା ଯାଏଁ ପହଂଚି ସାରିଛି । ନୂଆବର୍ଷର ପ୍ରଥମ ଦିନରେ ହିଁ ସରକାର ଦେଶକୁ ଏହି ଭଲ ଖବର ଦେଇଛନ୍ତି । ଲକ ଡାଉନ ଖୋଲିବା ପରେ ଦେଶର ଅର୍ଥିନିତୀରେ ସୁଧାର ଆସିଛି । ଅର୍ଥ ମନ୍ତ୍ରଣାଳୟ ଦ୍ୱାରା ଶୁକ୍ରବାର ଦିନ ପ୍ରକାଶିତ ତଥ୍ୟ ଅନୁଯାୟୀ ଦେଶର ଜିଏସଟି ରାଜସ୍ୱ ସଂଗ୍ରହ ଡିସେମ୍ବରରେ ୧,୧୫,୧୭୪ କୋଟି ଟଙ୍କା ରହିଛି । ଜିଏସଟିର ସମଗ୍ର ଇତିହାସର ଏହା ହେଉଛି ସର୍ବାଧିକ ମାସିକ ସଂଗ୍ରହ । ପ୍ରଥମ ଥର ପାଇଁ ଜିଏସଟି ଆକଳନ ୧.୧୫ ଲକ୍ଷ କୋଟି ଅତିକ୍ରମ କରିଛି । ଏହାପୂର୍ବରୁ, ଏପ୍ରିଲ୍ ୨୦୧୯ ରେ ସର୍ବାଧିକ ଜିଏସଟି ସଂଗ୍ରହ ୧,୧୩,୮୬୬ କୋଟି ଟଙ୍କା ଥିଲା । ଏଥିରେ କେନ୍ଦ୍ର ସରକାରଙ୍କ ଜିଏସଟି ଅର୍ଥାତ୍ CGST ସଂଗ୍ରହ ୨୧,୩୬୫ କୋଟି ଏବଂ ରାଜ୍ୟ ଜିଏସଟି ଅର୍ଥାତ୍ SGST ୨୭,୮୦୪ କୋଟି ଟଙ୍କା ଥିଲା ।  ସେହିଭଳି ମୋଟ ଇଣ୍ଟିଗ୍ରେଟେଡ୍ ଜିଏସଟି (IGST) ୫୭,୪୨୬ କୋଟି ଟଙ୍କା ଥିଲା, ଯେଉଁଥିରୁ ସେସ୍ ୮,୫୭୯କୋଟି ଟଙ୍କା । ନଭେମ୍ବର ମାସ ପାଇଁ ମୋଟ ୮୭ ଲକ୍ଷ GSTR-3B ରିଟର୍ଣ୍ଣ ଦାଖଲ କରାଯାଇଛି । ଅର୍ଥ ମନ୍ତ୍ରଣାଳୟ କହିଛି ଯେ ସରକାର IGST ରୁ CGST ପର୍ଯ୍ୟନ୍ତ ୨୩,୨୭୬ କୋଟି ଏବଂ ନିୟମିତ ସମାଧାନ ଅଧୀନରେ SGST କୁ ୧୭,୬୮୧ ଟଙ୍କା ପ୍ରଦାନ କରିଛନ୍ତି । ଏହି ପରି ଭାବରେ, ଡିସେମ୍ବର ମାସରେ କେନ୍ଦ୍ର ଏବଂ ରାଜ୍ୟଗୁଡିକର ମୋଟ ଜିଏସଟି ରାଜସ୍ୱ ଯଥାକ୍ରମେ ୪୪,୬୪୧ କୋଟି ଏବଂ ୪୫,୪୮୫ କୋଟି ଟଙ୍କା ଥିଲା ।