ମିଲାନ: ଇଟାଲିର ମିଲାନ୍ ସହରରେ ଗୁରୁବାର ପାର୍କିଂରେ ଛିଡ଼ା ହୋଇଥିବା ଏକ ଭ୍ୟାନ୍ରେ ବିସ୍ଫୋରଣ ହୋଇଛି । ଏହାପରେ ସେଠାରେ ଥିବା ଅନେକ କାର୍ରେ ନିଆଁ ଲାଗିଯାଇଥିଲା ଏବଂ ଆକାଶରେ କଳାଧୂଆଁର ଆସ୍ତରଣ ଦେଖିବାକୁ ମିଳିଥିଲା । ଏହି ଘଟଣାର କେହି ମୃତାହତ ହୋଇଥିବା ଖବର ମିଳିନାହିଁ । ଫାୟାର୍ ବ୍ରିଗେଡ୍ ଟିମ୍ ଘଟଣାସ୍ଥଳରେ ପହଞ୍ଚି ନିଆଁକୁ କାବୁ କରିଥିଲା । ସ୍ଥାନୀୟ ନ୍ୟୁଜ୍ ଏଜେନ୍ସି ଅନୁସାରେ ଅତିକମ୍ରେ ୫ କାର୍ ଓ ୨ ଅନ୍ୟ ବାହନ ପୋଡ଼ିଯାଇଛି ।
ସୂଚନା ଅନୁସାରେ ପାର୍କିରେ ଛିଡ଼ା ହୋଇଥିବା ଏକ ଭ୍ୟାନ୍ରେ ଗ୍ୟାସ୍ ସିଲିଣ୍ଡର୍ ବ୍ଲାଷ୍ଟ୍ ହେବା ଫଳରେ ଅଞ୍ଚଳରେ ନିଆଁ ବ୍ୟାପିଯାଇଥିଲା । ପୁଲିସ ଘଟଣାସ୍ଥଳରେ ଲୋକଙ୍କୁ ବାହାର କରିଦେଇଥିଲା । ଅଞ୍ଚଳକୁ ସିଲ୍ କରି ପୁଲିସ ମାମଲାର ଯାଞ୍ଚ୍ ଜାରିଥିବା ବେଳେ ପ୍ରଶାସନ କ୍ଷୟକ୍ଷତିର ଆକଳନ କରୁଛି ।
