ନୂଆଦିଲ୍ଲୀ: ରାଜଧାନୀ ଦିଲ୍ଲୀ ଉଦୟ ନାଗରର ଏକ ଜୋତା କାରଖାନାରେ ବ୍ୟାପକ ଅଗ୍ନିକାଣ୍ଡ ଘଟିଛି। ୨୪ ଅଗ୍ନିଶମ ଟେଣ୍ଡର ଘଟଣାସ୍ଥଳରେ ଉପସ୍ଥିତ ଅଛନ୍ତି ଏବଂ ନିଆଁକୁ ନିୟନ୍ତ୍ରଣ କରିବା ପାଇଁ ଉଦ୍ୟମ ଚାଲିଛି | ବର୍ତ୍ତମାନ ସୁଦ୍ଧା ଅଗ୍ନିକାଣ୍ଡର କାରଣ ଜଣା ପଡିନାହିଁ। ଦିଲ୍ଲୀ ଫାୟାର ବ୍ରିଗେଡର ଅଧିକାରୀ କହିଛନ୍ତି ଯେ, ଏହି ଘଟଣାରେ କୌଣସି କ୍ଷୟକ୍ଷତିର ଖବର ନାହିଁ। ତେବେ କାରଖାନା ମାଲିକଙ୍କ ଅନୁଯାୟୀ ଅଗ୍ନିକାଣ୍ଡ ଘଟଣାରେ ୬ ଜଣ କର୍ମଚାରୀ ନିଖୋଜ ଅଛନ୍ତି ଏବଂ ସେମାନଙ୍କ ସୂଚନା ବର୍ତ୍ତମାନ ସୁଦ୍ଧା ମଧ୍ୟ ମିଳିପାରି ନାହିଁ । ନିଆଁ ଲାଗିବା ପରେ ସବୁଆଡେ ଧୂଆଁ ବାହାରୁଥିବା ଏବଂ ନିଆଁକୁ ଦେଖି ଆଖପାଖ ଅଞ୍ଚଳରେ ଭୟର ବାତାବରଣ ଦେଖାଦେଇଛି। ଅଗ୍ନିକାଣ୍ଡ ଯୋଗୁଁ କାରଖାନାରେ ରଖାଯାଇଥିବା ଲକ୍ଷ ଲକ୍ଷ ମୂଲ୍ୟର ସାମଗ୍ରୀ ପୋଡ଼ି ପାଉଁଶ ହୋଇଯାଇଛି।