ମର୍ମନ୍ତୁଦ ସଡକ ଦୁର୍ଘଟଣା ଜଣେ ମୃତ, ଜଣେ ଆହତ

ମୟୂରଭଞ୍ଜ: କୁଳିଅଣା ଥାନା ମାଛକାନ୍ଦଣା ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣାରେ ଜଣେ ମୃତ,ଜଣେ ଆହତ। ସ୍ଥାନୀୟ ଲୋକଙ୍କ ଦ୍ୱାରା ଉଦ୍ଧାର ଆହତ ଜଣକ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ସୂଚନା ଅନୁସାରେ ଗୋଟିଏ ଧଳାପଥର ବୋଝେଇ ଡ଼ମ୍ପର ବାରିପଦା ଅଭିମୁଖେ ଆସୁଥିଲା ବେଳେ ୧୮ ନଂ ଜାତୀୟ ରାଜପଥର ମାଛକାନ୍ଦଣା ଛକ ନିକଟରେ ଛିଡା ହୋଇଥିବା ଚିପ୍ସ ବୋଝେଇ ଟ୍ରକକୁ ପଛପଟୁ ଧକ୍କା ଦେଇଥିଲା । ଫଳରେ ଧଳା ପଥର ଵୋଝେଇ ଟ୍ରକ ଚାଳକର ଘଟଣାସ୍ଥଳରେ ମୃତ୍ୟୁ ହେଇଥିବା ବେଳେ ଚିପ୍ସ ବୋଝେଇ ଡ଼ମ୍ପର ଚାଳକ ଆହତ ହେଇଥିବାର ଜଣାପଡ଼ିଛି । ମୃତକ ଜଣକ କୁଳିଅଣା ଥାନା ଅନ୍ତର୍ଗତ ଭଗବାନପୁର ଗାଁର କାଳିଆ ସିଂ ବୋଲି ଜଣାପଡିଛି । ଘଟଣାସ୍ଥଳରେ କୁଳିଅଣା ପୋଲିସ ପହଂଚି ମୃତଦେହ ଜବତ କରିବା ସହ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଅନ୍ୟପଟେ ମୃତକ ଡ୍ରାଇଭରର ପରିବାରକୁ କ୍ଷତିପୂରଣ ପ୍ରଦାନ ଦାବିନେଇ ଉତ୍ତେଜନା ଲାଗି ରହିଥିବା ବେଳେ ପୋଲିସର ହସ୍ତକ୍ଷେପ ସହ ବୁଝାଶୁଝା ପରେ ପରିସ୍ଥିତି ଶାନ୍ତ ପଡିଥିଲା।