ମହାରାଷ୍ଟ୍ର ରାୟଗଡ଼ରେ ଭୂସ୍ଖଳନ ଘଟଣା:ଏବେବି ନିଖୋଜ ୧୧୯ଜଣ, ମାଟି ଅତଡ଼ା ତଳେ ଦବି ରହିଥିବା ଆଶଙ୍କା

ମୁମ୍ବାଇ:ମହାରାଷ୍ଟ୍ର ରାୟଗଡରେ ଭୂସ୍ଖଳନ ଘଟଣାରେ ଏବେବି ୧୧୯ଜଣ ନିଖୋଜ ଅଛନ୍ତି । ଇର୍ଶଲୱାଡି ଭୂସ୍ଖଳନସ୍ଥଳରେ ଏନଡିଆରଏଫର ଉଦ୍ଧାର କାର୍ଯ୍ୟ ଜାରି ରହିଛି । ନିଖୋଜ ମାନେ ମାଟି ଅତଡା ତଳେ ଦବି ରହିଥିବା ଆଶଙ୍କା କରାଯାଉଛି । ଏପର‌୍ୟ୍ୟନ୍ତ ୧୬ଜଣଙ୍କର ମୃତଦେହ ଉଦ୍ଧାର କରାଯାଇଥିବା ବେଳ ୯୩ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ତେବେ ଗତ ରାତିରେ ଅନ୍ଧାର ଓ ପ୍ରବଳ ବର୍ଷା ଯୋଗୁଁ ଉଦ୍ଧାର କାର‌୍ୟ୍ୟ ବାଧାପ୍ରାପ୍ତ ହେବା ପରେ ଏହାକୁ ବନ୍ଦ କରାଯାଇଥିଲା । ଆଜି ସକାଳୁ ପୁଣି ଉଦ୍ଧାର କାର‌୍ୟ୍ୟ ଆରମ୍ଭ ହୋଇଛି । ୧୧୯ଜଣ ନିଖୋଜ ଥିବା ବେଳେ ଏମାନଙ୍କୁ ଖୋଜିବା ପାଇଁ ସନ୍ଧାନୀ କୁକୁରଙ୍କ ସହାୟତା ନିଆଯାଇଛି । ଉଦ୍ଧାର କାର‌୍ୟ୍ୟରେ ସାମିଲ ହୋଇଛନ୍ତି ଏନଡିଆରଏଫର ସନ୍ଧାନୀ କୁକୁର ।