ରାଞ୍ଚି : ଝାଡ଼ଖଣ୍ଡର ଧାନବାଦ ଜିଲ୍ଲା ଅନ୍ତର୍ଗତ ଡେନିଡିହ୍ କୋଇଲା ଖଣି ଅଞ୍ଚଳରେ ରବିବାର ସିଆଇଏସଏଫ୍ ଯବାନଙ୍କ ସହ ଏନ୍କାଉଣ୍ଟରରେ ୪ ଜଣ କୋଇଲା ଚୋର ପ୍ରାଣ ହରାଇଥିବାବେଳେ ଅନ୍ୟ ଦୁଇ ଚୋର ଆହତ ହୋଇଛନ୍ତି ।
ମୃତାହତମାନେ କୋଇଲା ସାଇଡିଂରୁ କୋଇଲା ଚୋରି କରୁଥିବାବେଳେ ପ୍ରହରାରତ ସିଆଇଏସଏଫ ଯବାନ ସେମାନଙ୍କୁ ଅଟକାଇବାକୁ ଉଦ୍ୟମ କରିଥିଲେ । ତେବେ କୋଇଲା ଚୋରମାନେ ପ୍ରଥମେ ଆକ୍ରମଣ କରିବାରୁ ଯବାନଙ୍କ ପକ୍ଷରୁ ପାଲଟା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା । ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
