ନୂଆଦିଲ୍ଲୀ: ଭାରତୀୟ କ୍ରିକେଟ ଟିମର ଶ୍ରୀଲଙ୍କା ଗସ୍ତ ପାଇଁ ବିସିସିଆଇ ଦଳ ଘୋଷଣା କରିଛି । ରୋହିତ ଶର୍ମା ଏବଂ ବିରାଟ କୋହଲି ଦିନିକିଆ ଦଳର ଅଂଶବିଶେଷ ହୋଇଥିବାବେଳେ ରୋହିତ ଦିନିକିଆ ଦଳର ଅଧିନାୟକ ହେବେ । ସୂର୍ଯ୍ୟକୁମାର ଯାଦବଙ୍କୁ ଟି -୨୦ ଦଳର ଅଧିନାୟକ କରାଯାଇଛି । ଶୁଭମନ ଗିଲ ଟି -୨୦ ଏବଂ ଦିନିକିଆ ଦଳର ଉପ-ଅଧିନାୟକ ହୋଇଛନ୍ତି । ଟିମ୍ ଇଣ୍ଡିଆ ରିଆନ୍ ପରାଗ, ଶିବମ୍ ଦୁବେ ଏବଂ ରିଙ୍କୁ ସିଂଙ୍କୁ ସୁଯୋଗ ଦେଇଛି । କେଏଲ ରାହୁଲ ଏବଂ ଋଷଭ ପନ୍ତ ଭାରତର ଦିନିକିଆ ଦଳକୁ ଫେରିଛନ୍ତି ।
ନୂତନ ଖେଳାଳିଙ୍କ ବିଷୟରେ କହିବାକୁ ଗଲେ ହର୍ଷିତ ରାଣାଙ୍କ ନାମ ଏହି ତାଲିକାରେ ଅନ୍ତର୍ଭୁକ୍ତ ହୋଇଛି । ଚୟନ କମିଟି ଶୁଭମନଙ୍କ ଉପରେ ମଧ୍ୟ ଆତ୍ମବିଶ୍ୱାସ ପ୍ରକାଶ କରିଛନ୍ତି । ଟି -୨୦ ସହିତ ତାଙ୍କୁ ଦିନିକିଆ ଦଳର ଉପ-ଅଧିନାୟକ ମଧ୍ୟ କରାଯାଇଛି । ଚୟନ ପୂର୍ବରୁ ହାର୍ଦ୍ଦିକ ପାଣ୍ଡ୍ୟା ଏବଂ ସୂର୍ଯ୍ୟଙ୍କ ମଧ୍ୟରେ ଅଧିନାୟକତ୍ୱ ପାଇଁ ପ୍ରତିଯୋଗିତା ହୋଇଥିଲା ବୋଲି ଆଲୋଚନା ହୋଇଥିଲା । କିନ୍ତୁ ବୋର୍ଡ ବର୍ତ୍ତମାନ ଏହି ରିପୋର୍ଟଗୁଡିକୁ ଖଣ୍ଡନ କରିଛି । ଟିମ୍ ଇଣ୍ଡିଆ କେ.ଏଲ୍ ରାହୁଲ ଏବଂ ରୁଷଭ ପନ୍ତଙ୍କୁ ଦିନିକିଆ ଦଳରେ ସ୍ଥାନ ଦେଇଛି ।
ଟି -୨୦ ଦଳ: ସୂର୍ଯ୍ୟକୁମାର ଯାଦବ (ଅଧିନାୟକ), ଶୁଭମନ ଗିଲ (ଉପ-ଅଧିନାୟକ), ଯଶସ୍ୱୀ ଜୈସୱାଲ, ରିଙ୍କୁ ସିଂ, ରିୟାନ ପରାଗ, ରୁଷଭ ପନ୍ତ (ୱିକେଟ୍ କିପର), ସଞ୍ଜୁ ସାମସନ (ୱିକେଟ୍ କିପର), ହାର୍ଦ୍ଦିକ ପାଣ୍ଡ୍ୟା, ଶିବମ୍ ଦୁବେ, ଅକ୍ଷର ପଟେଲ, ୱାଶିଂଟନ୍ ସୁନ୍ଦର , ରବି ବିଷ୍ଣୋଇ, ଅର୍ଶଦୀପ ସିଂ, ଖଲିଲ ଅହମ୍ମଦ, ମହମ୍ମଦ ସିରାଜ ।
ଦିନିକିଆ ଦଳ: ରୋହିତ ଶର୍ମା (ଅଧିନାୟକ), ଶୁଭମନ ଗିଲ (ଉପ-ଅଧିନାୟକ), ବିରାଟ କୋହଲି, କେ.ଏଲ୍ ରାହୁଲ (ୱିକେଟ୍ କିପର), ରୁଷଭ ପନ୍ତ (ୱିକେଟ୍ କିପର), ଶ୍ରେୟସ୍ ଆୟର, ଶିବମ୍ ଦୁବେ, କୁଲଦୀପ ଯାଦବ, ମହମ୍ମଦ ସିରାଜ, ୱାଶିଂଟନ୍ ସୁନ୍ଦର, ଅର୍ଶଦୀପ ସିଂ, ରିଆନ୍ ପରାଗ, ଅକ୍ଷର ପଟେଲ, ଖାଲିଲ ଅହମ୍ମଦ, ହର୍ଷିତ ରାଣା ।
