ନୂଆଦିଲ୍ଲୀ: ଅହମ୍ମଦାବାଦରେ ତୃତୀୟ ଟେଷ୍ଟ ମ୍ୟାଚର ଦ୍ୱିତୀୟ ଦିନରେ ଇଂଲଣ୍ଡ ଦ୍ୱିତୀୟ ପାଳିରେ କେବଳ ୮୧ ରନରେ ଅଲଆଉଟ ହୋଇଯାଇଛି । ଭାରତୀୟ ଦଳର ସ୍ପିନରମାନେ କମାଲ ଖେଳ ପ୍ରଦର୍ଶନ କରି ଇଂଲଣ୍ଡର ପୁରା ୧୦ ଜଣ ଖେଳାଳୀଙ୍କୁ ପାଭିଲିଅନ ପଠାଇଥିଲେ । ପ୍ରଥମେ ଅକ୍ଷର ୫ ୱିକେଟ ନେଇଥିବା ବେଳେ ଅଶ୍ୱିନୀ ୪ ୱିକେଟ ନେଇଥିଲେ । ୱାଂସିଟନ ସୁନ୍ଦର ୧ ୱିକେଟ ନେବାରେ ସକ୍ଷମ ହୋଇଥିଲେ । ଏବା ଭାରତକୁ ଜିତିବା ପାଇଁ ୪୯ ରନ୍ ଦରକାର ।
ଇଂଲଣ୍ଡର ଇନିଂସର ପ୍ରଥମ ଓଭରରେ ଅକ୍ଷର ପଟେଲ ପ୍ରଥମ ବଲରେ କ୍ରାଉଲିଙ୍କୁ ବୋଲଡ଼ କରି ଇଂଲଣ୍ଡକୁ ପ୍ରଥମ ଝଟକା ଦେଇଥିଲେ। ପରବର୍ତ୍ତୀ ବଲରେ ଅକ୍ଷର ବେୟାରଷ୍ଟୋଙ୍କୁ ଚକମା ଦେଇଥିଲେ କିନ୍ତୁ ଏଲବି ଡବ୍ଲ୍ୟୁ ରେ ବଞ୍ଚିତ ହୋଇଥିଲେ । କିନ୍ତୁ ତୃତୀୟ ବଲ ରେ ବେୟାରଷ୍ଟୋ ଆଉଟ୍ ହୋଇଥିଲେ ।