37.1 C
Bhubaneswar
Saturday, April 20, 2024
Homeଖେଳଆଜି ଭାରତ-ଅଷ୍ଟ୍ରେଲିଆ ତୃତୀୟ ଟି-୨୦; ବିଜୟ ସହ ସିରିଜ୍ ହାସଲ ଲକ୍ଷ୍ୟରେ ଟିମ୍ ଇଣ୍ଡିଆ

ଆଜି ଭାରତ-ଅଷ୍ଟ୍ରେଲିଆ ତୃତୀୟ ଟି-୨୦; ବିଜୟ ସହ ସିରିଜ୍ ହାସଲ ଲକ୍ଷ୍ୟରେ ଟିମ୍ ଇଣ୍ଡିଆ

ଗୁଆହାଟୀ: ଆଜି  ଗୌହାଟୀର ବର୍ଷାପାରା କ୍ରିକେଟ ଷ୍ଟାଡିୟମ୍‌ରେ ଭାରତ-ଅଷ୍ଟ୍ରେଲିଆ ତୃତୀୟ ଟି-୨୦ ମ୍ୟାଚ୍ ଖେଳାଯିବ । ଭାରତୀୟ ସମୟାନୁସାରେ ସନ୍ଧ୍ୟା ୭ଟାରୁ ମ୍ୟାଚ୍ ଆରମ୍ଭ ହେବ । ପାଞ୍ଚ ମ୍ୟାଚ୍ ବିଶିଷ୍ଟ ସିରିଜ୍‌ରେ ମେନ୍ ଇନ୍ ବ୍ଲୁ ନିଜର ପ୍ରଭାବୀ ଫର୍ମକୁ ବଜାୟ ରଖିଛି । ପ୍ରଥମ ମ୍ୟାଚ୍‌ରେ ୨୦୦ରୁ ଊର୍ଦ୍ଧ୍ୱ ରନ୍‌ର ଲକ୍ଷ୍ୟକୁ ସଫଳ ଭାବେ ହାସଲ କରିବା ପରେ ସୂର୍ଯ୍ୟକୁମାର ଯାଦବ ଓ ତାଙ୍କ ଟିମ୍ ଦ୍ୱିତୀୟ ମ୍ୟାଚ୍‌ରେ ୪/୨୩୫ ରନ୍‌ର ବିଶାଳ ସ୍କୋର୍‌କୁ ଡିଫେଣ୍ଡ୍ କରିବାରେ ସଫଳ ହୋଇଥିଲେ । ୨-୦ରେ ଆଗୁଆ ଥିବା ଟିମ୍ ଇଣ୍ଡିଆ ତୃତୀୟ ମ୍ୟାଚ୍‌ରେ ବିଜୟ ହାସଲ କରି ସିରିଜ୍ ହାତେଇବା ଲକ୍ଷ୍ୟରେ ରହିବ ।

ଗତ ଦୁଇଟି ମ୍ୟାଚ୍‌ରେ ଭାରତୀୟ ବ୍ୟାଟିଂ ୟୁନିଟ୍ ମିଳିତ ଭାବେ ୩୬ ଚୌକା ଓ ୨୪ ଚୌକା ମାରିଥିବାରୁ ଏହି ମ୍ୟାଚ୍ ଏକ ରୋମାଞ୍ଚକର ରନ୍ ଉତ୍ସବ ପାଇଁ ମଞ୍ଚ ପ୍ରସ୍ତୁତ କରିବ । ଦ୍ୱିତୀୟ ମ୍ୟାଚ୍‌ରେ ଯଶସ୍ୱୀ ଜୟସ୍ୱାଲ, ଋତୁରାଜ ଗାଏକ୍ୱାଡ୍‌, ଅଧିନାୟକ ସୂର୍ଯ୍ୟକୁମାର ଯାଦବଙ୍କ ଅର୍ଦ୍ଧଶତକ ଟିମ୍‌ର ବ୍ୟାଟିଂ ଗଭୀରତାକୁ ଦର୍ଶାଉଛି । ବିଶ୍ୱକପ୍ ବେଳେ ପ୍ରାୟ ସାଢ଼େ ପାଞ୍ଚ ସପ୍ତାହ ବେଞ୍ଚ୍‌ରେ ବିତାଇବା ସତ୍ତ୍ୱେ ଈଶାନ୍ କିଶନ୍ ଲଗାତାର ଦୁଇଟି ଅର୍ଦ୍ଧଶତକ ସହ ଫର୍ମ ପ୍ରଦର୍ଶନ କରିଛନ୍ତି । ଟି-୨୦ ବିଶ୍ୱକପ୍ ପୂର୍ବରୁ ବ୍ୟାଟିଂ କ୍ରମର ୬ ନମ୍ବର ସ୍ଥାନ ପାଇଥିବା ରିଙ୍କୁ ସିଂହଙ୍କୁ ଫିନିସର୍ ଭାବେ ନିଜ କାର୍ଯ୍ୟରେ ସଫଳ ହୋଇଛନ୍ତି । ତେବେ ଭାରତର ଗତ ୧୨ଟି ଟି-୨୦ ଅନ୍ତର୍ଜାତୀୟ ମ୍ୟାଚ୍ ମଧ୍ୟରୁ କୌଣସିଟିକୁ ହାତଛଡ଼ା କରିନଥିବା ତିଲକ ବର୍ମା ନିଜକୁ ଏକ ଚ୍ୟାଲେଞ୍ଜିଂ ସ୍ଥିତିରେ ପାଇଛନ୍ତି ।

୫ ନମ୍ବର ସ୍ଥାନରେ ବ୍ୟାଟିଂ କରି ସେ ଗତ ଦୁଇଟି ମ୍ୟାଚ୍‌ରେ ମାତ୍ର ୧୨ଟି ଡେଲିଭରିର ସମ୍ମୁଖୀନ ହୋଇଥିବାରୁ ଦଳରେ ତାଙ୍କ ଭୂମିକାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଅନ୍ୟପକ୍ଷରେ ଚତୁର୍ଥ ମ୍ୟାଚ୍‌ରେ ଶ୍ରେୟସ୍ ଆୟର୍‌ଙ୍କ ପ୍ରତ୍ୟାବର୍ତ୍ତନ ପରେ ଚୂଡ଼ାନ୍ତ ଏକାଦଶରେ ତାଙ୍କ ସ୍ଥାନ ପ୍ରତି ବିପଦ ଦେଖାଦେବ । ଏହି ମ୍ୟାଚ୍ ତାଙ୍କ ପାଇଁ ସିରିଜ୍‌ର ଅନ୍ତିମ ମ୍ୟାଚ୍ ହୋଇଥିବା ବେଳେ ସେ ଏଥିରେ ତାଙ୍କର ସମ୍ପୂର୍ଣ୍ଣ ଦକ୍ଷତା ପ୍ରଦର୍ଶନ କରିବାର ଆଶା ରହିଛି ।

ସିରିଜ୍‌ର ପ୍ରଥମ ମ୍ୟାଚ୍‌ରେ ଭାରତୀୟ ବୋଲର୍‌ମାନେ ୨୦୮ ରନ୍ ବ୍ୟୟ କରିଥିବା ବେଳେ ଦ୍ୱିତୀୟ ମ୍ୟାଚ୍‌ରେ ପ୍ରଭାବୀ ପ୍ରଦର୍ଶନ କରିଥିଲେ । ଏହି ମ୍ୟାଚ୍‌ରେ ସେମାନେ ୨୩୫ ରନ୍‌ର ଏକ ଗୁରୁତ୍ୱପୂର୍ଣ୍ଣ ଲକ୍ଷ୍ୟକୁ ଡିଫେଣ୍ଡ୍ କରିବାରେ ସଫଳ ହୋଇଛନ୍ତି । ପ୍ରଥମ ମ୍ୟାଚ୍‌ରେ କଙ୍ଗାରୁ ବ୍ୟାଟର୍‌ମାନେ ୨୪ ଚୌକା ଲଗାଇଥିବା ବେଳେ ଦ୍ୱିତୀୟ ମ୍ୟାଚ୍‌ରେ ଭାରତୀୟ ବୋଲିଂ ଆକ୍ରମଣ ଏହି ସଂଖ୍ୟାକୁ ଅଧାରେ ସୀମିତ ରଖିବାକୁ ସଫଳତ ହୋଇଥିଲା । ବିଶାଖାପାଟଣାରେ ଇଙ୍ଗ୍‌ଲିସ୍ ଓ ସ୍ମିଥ୍‌ଙ୍କ ଠାରୁ କଡ଼ା ମୁକାବିଲାର ସମ୍ମୁଖୀନ ହୋଇଥିବା ପେସର୍ ପ୍ରସିଦ୍ଧ କ୍ରିଷ୍ଣା ଦ୍ୱିତୀୟ ମ୍ୟାଚ୍‌ରେ ଜୋରଦାର ପ୍ରତ୍ୟାବର୍ତ୍ତନ କରି ଦ୍ୱିତୀୟ ସ୍ପେଲ୍‌ରେ ତିନିଟି ୱିକେଟ୍ ଅକ୍ତିଆର କରିଥିଲେ । ଏପରିକି ଅର୍ଶୀଦୀପ ସିଂହ ଫର୍ମରେ ସୁଧାର କରି ଡେଥ୍ ଓଭର୍‌ରେ ବ୍ଲକ୍ ହୋଲ୍ ଡେଲିଭରୀକୁ ସଫଳତାର ସହ କାର୍ଯ୍ୟକାରୀ କରିଥିଲେ ।

ଅନ୍ୟପକ୍ଷରେ ସିରିଜ୍‌କୁ ପ୍ରତ୍ୟାବର୍ତ୍ତନ କରିବାକୁ ହେଲେ ମାଥ୍ୟୁ ୱେଡ୍‌ଙ୍କ ନେତୃତ୍ୱାଧୀନ ଅଷ୍ଟ୍ରେଲିଆ ଟିମ୍‌କୁ ନିଜର ଶ୍ରେଷ୍ଠ ପ୍ରଦର୍ଶନ କରିବାକୁ ପଡ଼ିବ । ସେମାନଙ୍କ ନିକଟରେ ଶକ୍ତିଶାଳୀ ଟିମ୍ ଥିଲେ ମଧ୍ୟ ଷ୍ଟିଭେନ୍ ସ୍ମିଥ୍‌, ଗ୍ଲେନ୍ ମ୍ୟାକ୍ସୱେଲ୍‌, ମାର୍କସ ଷ୍ଟୋଇନିସ୍‌, ଆଦାମ ଜାମ୍ପାଙ୍କ ଭଳି ବରିଷ୍ଠ ଖେଳାଳି ବିଶ୍ୱକପ୍ ପାଇଁ ନଅ ସପ୍ତାହ ଧରି ଭାରତ ଗସ୍ତରେ ଥିବାରୁ କ୍ଲାନ୍ତ ହୋଇପଡ଼ିଛନ୍ତି । ସେମାନଙ୍କୁ ବିଶ୍ରାମର ଆବଶ୍ୟକତା ରହିଛି ।

ବର୍ତ୍ତମାନ ସୁଦ୍ଧା ଭାରତ ଓ ଅଷ୍ଟ୍ରେଲିଆ ମଧ୍ୟରେ ୨୮ ଟି-୨୦ ମ୍ୟାଚ୍ ଖେଳାଯାଇଥିବା ବେଳେ ଭାରତ ୧୭ଟିରେ ଏବଂ ଅଷ୍ଟ୍ରେଲିଆ ୧୦ଟିରେ ବିଜୟୀ ହୋଇଛନ୍ତି । ଗୋଟିଏ ମ୍ୟାଚ୍‌ର ଫଳାଫଳ ବାହାରି ନାହିଁ । ସେହିପରି ଶେଷ ୫ଟି ମ୍ୟାଚ୍‌ରୁ ଭାରତ ୪ ଥର ଏବଂ ଅଷ୍ଟ୍ରେଲିଆ ଗୋଟିଏ ଥର ଜିତିଛି । ଏହି ପାଞ୍ଚଟି ମ୍ୟାଚ୍‌ରେ ଭାରତ ସର୍ବାଧିକ ୨୩୫ ରନ୍ କରିଥିବା ବେ

LEAVE A REPLY

Please enter your comment!
Please enter your name here

5,005FansLike
2,475FollowersFollow
12,700SubscribersSubscribe

Most Popular

HOT NEWS

Breaking