ମୁମ୍ବାଇ: ଜଣେ 30 ବର୍ଷ ବୟସ୍କ ବ୍ୟକ୍ତି ହ୍ୱାଟ୍ସଅପରେ ତାଙ୍କ ପତ୍ନୀଙ୍କ ନଗ୍ନ ଭିଡିଓ ଅପଲୋଡ୍ କରିବା ଘଟଣାରେ ଗିରଫ କରାଯାଇଛି ବୋଲି ପୋଲିସ କହିଛି। ତାଙ୍କ 28 ବର୍ଷୀୟ ପତ୍ନୀ ସ୍ୱାମୀଙ୍କ ବିରୋଧରେ ପୋଲିସରେ ଅଭିଯୋଗ କରିବା ପରେ ଅଭିଯୁକ୍ତଙ୍କୁ ଗିରଫ କରାଯାଇଛି । ଅଭିଯୋଗକାରୀଙ୍କ କହିବା ଅନୁଯାୟୀ ତାଙ୍କ ସ୍ୱାମୀ ଏବଂ ଶାଶୁ ଓ ପରିବାର ଲୋକମାନେ ତାଙ୍କୁ ଶାରୀରିକ ତଥା ମାନସିକ ନିର୍ଯାତନା ଦେଉଥିଲେ।
ଏକାଧିକ ହିଂସାତ୍ମକ ଘଟଣା ପରେ ମହିଳା ଜଣକ ତାଙ୍କ ଦୁଇ ପିଲାଙ୍କ ସହ ଥାନେ ସ୍ଥିତ ତାଙ୍କ ଶାଶୁଘର ଘର ଛାଡି ମାଲାଡ (ପୂର୍ବ) ରେ ଥିବା ତାଙ୍କ ମା’ଙ୍କ ଘରକୁ ଚାଲିଯାଇଛନ୍ତି । ଗତ ବର୍ଷ ପୀଡିତା ଜଣକ ତାଙ୍କ ଅଭିଯୋଗ ଆଣିଥିଲେ ଯେ ତାଙ୍କ ସ୍ୱାମୀ ଏବଂ ଶାଶୁ ତାଙ୍କଠାରୁ ଆପାର୍ଟମେଣ୍ଟ ଦାବି କରୁଛନ୍ତି।
ଜଣେ ପୋଲିସ ଅଧିକାରୀଙ୍କ କହିବାନୁସାରେ, “ଆମେ ଅଭିଯୋଗକାରୀଙ୍କ ସ୍ୱାମୀଙ୍କୁ ଏକ ଚିଠି ପଠାଇ ତାଙ୍କୁ ପୋଲିସ ଷ୍ଟେସନକୁ ଡକାଇଥିଲୁ।
ପୋଲିସ କହିଛି ଯେ ତାଙ୍କ ସ୍ୱାମୀ ତାଙ୍କୁ ପୋଲିସ୍ ରେ ଅଭିଯୋଗ ନକରିବାକୁ ଅନୁରୋଧ କରିଛନ୍ତି ଏବଂ ତାଙ୍କ ନିକଟକୁ ଫେରିବାକୁ କହିଛନ୍ତି। ଯେତେବେଳେ ପୀଡିତା ତାଙ୍କ ଅନୁରୋଧରେ ରାଜି ହେଲେନାହିଁ , ଅଭିଯୁକ୍ତ ରାଗରେ ତାଙ୍କ ପତ୍ନୀଙ୍କ ସ୍ନାନ ଭିଡିଓକୁ ତାଙ୍କ ହ୍ୱାଟ୍ସଅପରେ ଅପଲୋଡ୍ କରିଥିଲେ। ପୀଡିତାଙ୍କ ଭଉଣୀ ଭିଡିଓ କ୍ଲିପ୍ ଦେଖି ପୀଡିତାଙ୍କୁ ଏହା ବିଷୟରେ ଜଣାଇଥିଲେ।
ଜଣେ ପୋଲିସ ଅଧିକାରୀଙ୍କ କହିବାନୁସାରେ, “ଅଭିଯୁକ୍ତ ଯେତେବେଳେ ସ୍ତ୍ରୀଙ୍କ ସହ ଏକାଠି ଥିଲେ ସେତେବେଳେ ତାକୁ ସୁଟିଂ କରିଥିଲେ। ପୀଡ଼ିତା ଜଣକ ଜାଣିନଥିଲେ ଏହାକୁ ସୋସିଆଲ ମିଡିଆରେ ତାଙ୍କ ସ୍ୱାମୀ ଅପଲୋଡ୍ କରିବେ ବୋଲି ।”
ପୀଡିତା କୁରାର ପୋଲିସ ଷ୍ଟେସନ ନିକଟରେ ପହଞ୍ଚି ଏଫଆଇଆର ପଞ୍ଜିକରଣ କରିଥିଲେ। ଅଭିଯୁକ୍ତଙ୍କୁ ଆଇପିସି ଏବଂ ଆଇଟି ଆକ୍ଟ ଅନୁଯାୟୀ ଗିରଫ କରାଯାଇଛି। ଅଭିଯୁକ୍ତ ଜଣକ ଘର ଛାଡି ପଳାଇଛନ୍ତି ଏବଂ ତାଙ୍କୁ ଧରିବା ପାଇଁ ପୋଲିସ ଛାନବୀନ ଆରମ୍ଭ କରିଛି।
ଅନ୍ୟ ଏକ ଘଟଣାରେ ଗତ ବର୍ଷ ଡିସେମ୍ବରରେ ମୁମ୍ବାଇର ଏକ ବ୍ୟସ୍ତବହୁଳ ରାସ୍ତାରେ ଜଣେ ମହିଳାଙ୍କୁ ତାଙ୍କ ସ୍ୱାମୀ ଛୁରୀ ଭୁସି ହତ୍ୟା କରିଥିଲା। ଛାଡପତ୍ର ପାଇଁ ତାଙ୍କ ପତ୍ନୀ କହିବାରୁ ରାଗିଯାଇ ବ୍ୟକ୍ତି ଜଣକ ଏହି କାଣ୍ଡ କରିଥିଲା 1 ମହାରାଷ୍ଟ୍ରର ରାଜଧାନୀ ମୁମ୍ବାଇର ଯୋଗେଶ୍ୱରୀ (ପୂର୍ବ) ରେ ଏହି ଭୟଙ୍କର ଘଟଣା ଘଟିଥିଲା ।
ମୃତ ମହିଳା ଜଣକ ହେଉଛନ୍ତି ଦିଲଶାଦ ଖାନ । ମହିଳା ଜଣକ କାମ କରିବାକୁ ଯାଉଥିବାବେଳେ ତାଙ୍କ ସ୍ୱାମୀ ଅବଦୁଲ କଲାମ ଶାହା ତାଙ୍କୁ ଆକ୍ରମଣ କରି ହତ୍ୟା କରିଥିଲେ । ପୋଲିସର ସୂଚନାନୁସାରେ, ଅଭିଯୁକ୍ତ ତାଙ୍କ ପତ୍ନୀଙ୍କ ଚରିତ୍ର ଉପରେ ସନ୍ଦେହ କରୁଥିଲେ ଏବଂ ତାଙ୍କୁ ବାରମ୍ବାର ଥଟ୍ଟା କରୁଥିଲେ। ସ୍ୱାମୀଙ୍କ ଅସଦାଚରଣକୁ ନେଇ ମହିଳା ଜଣକ ଛାଡପତ୍ର ପାଇଁ ଅଭିଯୁକ୍ତଙ୍କୁ ପଚାରିଥିଲେ ଯାହା ତାଙ୍କୁ କ୍ରୋଧିତ କରିଥିଲା।
