ଭୁବନେଶ୍ୱର: କରୋନା ମହାମାରୀ କେବଳ ବିଶ୍ୱବ୍ୟାପୀ ସ୍ୱାସ୍ଥ୍ୟ ସଙ୍କଟ ସୃଷ୍ଟି କରିନି, ବରଂ ଏହା ବର୍ତ୍ତମାନ ପରିବେଶ ପ୍ରତି ମଧ୍ୟ ବିପଦ ସୃଷ୍ଟି କରୁଛି । ଅନୁସନ୍ଧାନକାରୀମାନେ ବର୍ତ୍ତମାନ ମହାମାରୀ ମୁକାବିଲା ତଥା ବ୍ୟବହୃତ ବ୍ୟକ୍ତିଗତ ପ୍ରତିରକ୍ଷା ଉପକରଣ ଫେସ୍ ମାସ୍କ ବିସର୍ଜନ ସହିତ ଜଡ଼ିତ ପରିବେଶ ବିପଦକୁ ହ୍ରାସ କରିବାର ଉପାୟ ଖୋଜିଛନ୍ତି । ମହାମାରୀରେ ମୁଖ୍ୟ ଢ଼ାଲ ହୋଇଥିବା ଫେସ୍ ମାସ୍କକୁ କିଭଳି ରାସ୍ତା ନିର୍ମାଣ ପାଇଁ ବ୍ୟବହାର କରାଯାଇପାରିବ ତାହା ବେଜ୍ଞାନିକ ମାନେ ବାହାର କରିଛନ୍ତି । ଏହା ଦ୍ୱାରା ଦୁଇଟି ଲାଭ ହେବ, ଗୋଟିଏ ପଟେ ଏଠି ସେଠି ବିଛେଇ ହୋଇ ପଡ଼ିଥିବା ଫେସ୍ ମାସ୍କ ଆବର୍ଜନାରୁ ମୁକ୍ତି ମିଳିବ । ଅନ୍ୟପଟେ ଏହାକୁ ଏକ କଞ୍ଚାମାଲ ଭାବେ ବ୍ୟବହାର କରାଯାଇପାରିବ । ଅଧ୍ୟୟନରୁ ଜଣାପଡ଼ିଛି ଯେ, ଦୁଇ ଲେନ୍ ବିଶିଷ୍ଟ ରାସ୍ତାର ମାତ୍ର ଏକ କିଲୋମିଟର ନିର୍ମାଣ ପାଇଁ ରିସାଇକ୍ଲିନ୍ ସାମଗ୍ରୀରେ ପ୍ରାୟ ୩୦ଲକ୍ଷ ମାସ୍କ ବ୍ୟବହାର କରାଯାଇପାରିବ । ଯାହାଦ୍ୱାରା ୯୩ ଟନ୍ ବର୍ଜ୍ୟବସ୍ତୁକୁ ଭୂମିକୁ ଯିବାରୁ ବଞ୍ଚାଯାଇପାରିବ ।
ଅଷ୍ଟ୍ରେଲିଆର ମେଲବୋର୍ଣ୍ଣର ଆର୍ଏମ୍ଆଇଟି ବିଶ୍ୱବିଦ୍ୟାଳୟର ଅନୁସନ୍ଧାନକାରୀମାନେ ଫେସ୍ ମାସ୍କ ବ୍ୟବହାର କରି ଏକ ନୂତନ ସଡ଼କ ନିର୍ମାଣ ସାମଗ୍ରୀ ପ୍ରସ୍ତୁତ କରିଛନ୍ତି । ସିଭିଲ୍ ଇଞ୍ଜିନିୟରିଂ ସୁରକ୍ଷା ମାନଦଣ୍ଡକୁ ପୂରଣ କରିବାକୁ ଏହି ସାମଗ୍ରୀ ଡିଜାଇନ୍ କରାଯାଇଛି । ଏଥିରେ ଏକକ ବ୍ୟବହାର ଫେସ୍ ମାସ୍କ ଏବଂ ନିର୍ମାଣ ଆବର୍ଜନା ଗୁଡ଼ିକର ମିଶ୍ରଣ ଅନ୍ତର୍ଭୁକ୍ତ । ଯେହେତୁ ନନ୍ ଡିସପୋଜେବଲ୍ ଫେସ୍ ମାସ୍କଗୁଡିକ ମୁଖ୍ୟତ ଅଣଜୈବିକ ପ୍ଲାଷ୍ଟିକରେ ନିର୍ମିତ, ଏହି ଏକକ ବ୍ୟବହାର ମାସ୍କଗୁଡିକ ପରିବେଶରେ ମିଶିବାକୁ ୪୫୦ ବର୍ଷ ଲାଗିବ । ତେଣୁ ମହାମାରୀ ସୃଷ୍ଟି ହେଉଥିବା ବର୍ଜ୍ୟବସ୍ତୁକୁ ହ୍ରାସ କରିବା ପାଇଁ ପ୍ରତ୍ୟେକ ସମ୍ଭାବ୍ୟ ସ୍ତରରେ ଜରୁରୀ କାର୍ଯ୍ୟ ଆବଶ୍ୟକ ।
ତେବେ ରାସ୍ତା ନିର୍ମାଣରେ ଫେସ୍ ମାସ୍କକୁ କିପରି ବ୍ୟବହାର କରାଯାଇପାରିବ?
ପ୍ରଥମେ, ଫେସ୍ ମାସ୍କଗୁଡିକ ଅନ୍ୟ ବର୍ଜ୍ୟବସ୍ତୁରୁ ସଂଗ୍ରହ କରି ବାହାର କରିବା ଆବଶ୍ୟକ । ତା ପରେ ବାୟୁ ବର୍ଗୀକରଣକାରୀ କିମ୍ବା ବାୟୁ ଛୁରୀ ମାଧ୍ୟମରେ ଉତ୍ପନ୍ନ ବାୟୁର ବିସ୍ଫୋରଣ ବ୍ୟବହାର କରି ଅବଶିଷ୍ଟ ବର୍ଜ୍ୟବସ୍ତୁରୁ ଫେସ୍ ମାସ୍କ ବାହାର କରାଯାଇପାରିବ । ତାପରେ, ଫେସ୍ ମାସ୍କଗୁଡିକ ଡିଜେନ୍ସିଫିକ୍ ହୋଇ ଫାଇବର / ଷ୍ଟ୍ରିପ୍ସରେ ଛିଣ୍ଡାଯାଏ । ଏହା ପରେ ସଡକ ତିଆରି ସାମଗ୍ରୀ ପାଇଁ ପ୍ରକ୍ରିୟାକୃତ ବିଲଡିଂ ଅଳିଆ କିମ୍ବା ପୁନଃ ବ୍ୟବହୃତ କଂକ୍ରିଟ୍ ଏଗ୍ରିଗେଟ୍ (RCA) ସହିତ ମିଶ୍ରିତ ହେବାକୁ ପ୍ରସ୍ତୁତ ହୋଇଯିବ ।
ବିଶ୍ଳେଷଣରୁ ଜଣାପଡ଼ିଛି ଯେ, ରାସ୍ତା ଏବଂ ଚଲା ରାସ୍ତାରେ ପକ୍କାସ୍ତର ପାଇଁ ଡିଜାଇନ୍ କରାଯାଇଥିବା ଦ୍ରବ୍ୟରେ ଫେସ୍ ମାସ୍କ ଶକ୍ତପଣ ଯୋଗାଇଥାଏ । ବର୍ତ୍ତମାନ ସମୟରେ ପ୍ରାୟ ୬୮୦ କୋଟି ଡିସ୍ପୋଜେବଲ୍ ଫେସ୍ ମାସ୍କ ସମଗ୍ର ବିଶ୍ୱରେ ବ୍ୟବହୃତ ହେଉଛି । ଅନୁସନ୍ଧାନ କାରୀ ଡ. ମହମ୍ମଦ ସାବରିଆନ୍ କହିଛନ୍ତି ଯେ, ଏହି ପ୍ରାଥମିକ ଅନୁସନ୍ଧାନରେ ଏକକ ବ୍ୟବହାର ମାସ୍କର ପୁନଃ ବ୍ୟବହାର ହେବାର ସମ୍ଭାବନାକୁ ଦେଖାଯାଇଛି । ଏହା ଦେଖିବାକୁ ଉତ୍ସାହ ଜନକ ଯେ, ଏହା କେବଳ କାମ କରେ ନାହିଁ ବରଂ ଏହାର ଇଞ୍ଜିନିୟରିଂ ସୁବିଧା ମଧ୍ୟ ଅଛି । ଏହା ଆଶ କରାଯାଉଛି ଯେ, ସ୍ୱାସ୍ଥ୍ୟ ଏବଂ ନିରାପତ୍ତା ବିପଦକୁ ପରିଚାଳନା କରିବାର ପଦ୍ଧତି ଉପରେ ଆଧାର କରି ଏହା ଅଧିକ ଗବେଷଣା ପାଇଁ ଦ୍ୱାର ଖୋଲିବ । ଏହା ସହ ପିପିଇ ଗୁଡ଼ିକୁ ଭି ପୁନଃ ବ୍ୟବହାର ପାଇଁ ଉପଯୁକ୍ତ ହେବ କି ନାହିଁ ତାହା ସ୍ଥିର କରାଯିବ । ଅନୁସନ୍ଧାନରେ ବ୍ୟବହୃତ ମାସ୍କ ଗୁଡ଼ିକ ପୁଙ୍ଖାନୁପୁଙ୍ଖ ଭାବେ ଜୀବାଣୁ ମୁକ୍ତ ଏବଂ ସାନିଟାଇଜ୍ କରିବା ପରେ ବ୍ୟବହାର କରାଯାଇଥିଲା । ଏବଂ ଏହି ଅଧ୍ୟୟନ ସମୁଦାୟ ପରିବେଶ ବିଜ୍ଞାନରେ ପ୍ରକାଶିତ ହୋଇଥିଲା ।
