ଆତଙ୍କବାଦୀ ହାଫିଜ୍ ସୈଦ ଘର ନିକଟରେ ବଡ ବିସ୍ଫୋରଣ; ୨ ମୃତ, ୧୫ରୁ ଅଧିକ ଆହତ

ଲାହୋର: ପାକିସ୍ତାନରେ ଆତଙ୍କବାଦୀ ହାଫ୍ଖକ୍ସ ସୈଦ ରହୁଥିବା ଅଂଚଳରେ ଏକ ଜୋରଦାର ବିସ୍ଫୋରଣ ହୋଇଛି । ଯେଉଁଥିରେ ଅନେକ ଲୋକେ ଆହତ ହୋଇଥିବା ଖବର ସାମ୍ନାକୁ ଆସିଛି । ମିଳିଥିବା ସୂଚନା ମୁତାବକ, ଏହି ବିସ୍ପୋରଣ ଜୋହର ଟାଉନ ଅଂଚଳରେ ହୋଇଛି । ଯେଉଁଠି ଜମାତ-ଉତ୍‌-ଦାବା ଓ ମୁମ୍ବାଇ ଆକ୍ରମଣର ମାଷ୍ଟରମାଇଣ୍ଡ ହାଫିଜ୍‌  ସୈଦ ରୁହେ । ଏହି ବିସ୍ପୋରଣରେ ଦୁଇ ଜଣଙ୍କର ମୃତ୍ୟୁ ହୋିଥିବା ସୂଚନା ରହିଛି । ଯେତେବେଳେ କି ୧୫ରୁ ଅଧିକ ଆହତ ହୋଇଛନ୍ତି । ଆହତଙ୍କ ମଧ୍ୟରେ ୮ ଜଣଙ୍କ ଅବସ୍ଥା ସଂକଟାପନ୍ନ ରହିଛି । ବିସ୍ପୋରଣ ପରେ ଉଦ୍ଧାର କାର୍ଯ୍ୟ ଜାରି ରହିଛି  ଏବଂ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଉଛି । ଏହାର କାରଣ ବ୍ଲାଷ୍ଟ କିମ୍ବା ସିଲିଣ୍ଡର ଧାମାକା ବୋଲି କୁହାଯାଉଛି । ତେବେ ଏବେ ଯାଏଁ କୌଣସି ସ୍ପଷ୍ଟ ସୂଚନା ମିଳିନାହିଁ । ଲାହୋର ଡେପୁଟି କମିଶନର କହିଛନ୍ତି, ଏହି ବିସ୍ଫୋରଣରେ ମହିଳା ଓ ଶିଶୁ ଆହତ ହୋଇଛନ୍ତି । ବର୍ତମାନ ଉଦ୍ଧାର କାର୍ଯ୍ୟ ଜାରି ରହିଛି । ବାହାରେ ଛିଡା ଥିବା ଗାଡିରେ ଏହି ବିସ୍ଫୋରଣ ହୋଇଛି ବୋଲି ଅନୁମାନ କରାଯାଉଛି ।