କାଲି ୧୦ଟାରୁ ୧୨ଟା ଡ୍ରାଇ ରନ

ଭୁବନେଶ୍ୱର: କାଲି ସକାଳ ୧୦ରୁ ୧୨ଟା ପର୍ଯ୍ୟନ୍ତ ରାଜ୍ୟରେ ଡ୍ରାଇ ରନ ହେବ । କରୋନା ଟିକାର ଡ୍ରାଏ ରନ୍ ନେଇ ସ୍ୱାସ୍ଥ୍ୟ ବିଭାଗ ସୂଚନା ପ୍ରଦାନ କରିଛି । ସବୁ ଜିଲ୍ଲା ଓ ମ୍ୟୁନିସିପାଲିଟି ଅଂଚଳରେ ଡ୍ରାଇ ରନ ହେବ । ଉପଖଣ୍ଡ ଚିକିତ୍ସାଳୟ, ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ହେବ ଡ୍ରାଇ ରନ୍ । ଜିଲ୍ଲାର ବଡ ଘରୋଇ ମେଡିକାଲ ଓ ମେଡିକାଲ କଲେଜରେ ହେବ ଡ୍ରାଇରନ । ସମସ୍ତ ଜିଲ୍ଲାପାଳ, ପୌର କର୍ତ୍ତୃପକ୍ଷ ଓ ସିଡିଏମଓଙ୍କୁ ଏନେଇ ଚିଠି କରାଯାଇଛି । ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ କୁମାର ମହାପାତ୍ର ଏନେଇ ସୂଚନା ପ୍ରଦାନ କରିଛନ୍ତି । ଅନ୍ୟପଟେ କରୋନା ଟିକାକରଣ ଡ୍ରାଇ ରନ ନେଇ ସ୍ୱାସ୍ଥ୍ୟ ବିଭାଗର ବୈଠକ ଅନୁଷ୍ଠିତ ହୋଇଛି । ବୈଠକରେ ଟିକାକରଣର ପାଶ୍ୱର୍ ପ୍ରତିକ୍ରିୟା ସଂପର୍କରେ ଆଲୋଚନା କରାଯାଇଛି । ପାଶ୍ୱର୍ ପ୍ରତିକ୍ରିୟା ପାଇଁ ସ୍ୱତନ୍ତ୍ର ଭାବେ ଏଇଏଫଆଇ କିଟ୍ ରଖାଯିବାକୁ ନିଷ୍ପତ୍ତି ହୋଇଛି । ବୈଠକ ପରେ ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ସୂଚନା ଦେଇଛନ୍ତି । ପ୍ରଥମ ପର୍ଯ୍ୟାୟରେ ରାଜ୍ୟର ସବୁ ଜିଲ୍ଲାରେ ଡ୍ରାଇ ରନ ହୋଇଛି । ଆସନ୍ତାକାଲି ପ୍ରତି ଜିଲ୍ଲାର ୩ଟି ଲେଖାଏଁ ସେଣ୍ଟରରେ ଡ୍ରାଇରନ କରାଯିବ । ପିଏଚସି, ସିଏଚସି ଓ ମେଡିକାଲ କଲେଜରେ ଡ୍ରାଇରନ ହେବ ବୋଲି କହିଛନ୍ତି ବିଜୟ ପାଣିଗ୍ରାହୀ ।