ମିଶନ ଶକ୍ତି ମହିଳାଙ୍କ ଦ୍ୱାରା ଆହାର କେନ୍ଦ୍ରକୁ ଚାଲିଲା ରାଜ୍ୟର ପ୍ରଥମ ବ୍ୟାଟେରୀ ଚାଳିତ ଗାଡି

ଦେବଗଡ଼ : ଦେବଗଡ଼ରେ ମିଶନ ଶକ୍ତି ମହିଳାଙ୍କ ଦ୍ୱାରା ଆହାର କେନ୍ଦ୍ରକୁ ଚାଲିଲା ରାଜ୍ୟର ପ୍ରଥମ ବ୍ୟାଟେରୀ ଚାଳିତ ଗାଡି l ପୌର ପରିଷଦ ପକ୍ଷରୁ ପରିଚାଳିତ ଆହାର କେନ୍ଦ୍ରକୁ ରନ୍ଧା ଖାଦ୍ୟ ପରିବହନ ପାଇଁ ଗତ କିଛି ବର୍ଷ ଧରି ଘରୋଇ ଗାଡି ବ୍ୟବହାର କରାଯାଇ ଆସୁଥିବାବେଳେ ଏବେ ରନ୍ଧା ଖାଦ୍ୟ ପରିବହନ ଦାଇତ୍ୱ ମିଶନ ଶକ୍ତି ମହିଳା ନିଜ ହାତକୁ ନେଇଛନ୍ତି l ଏହି ପରିପ୍ରେକ୍ଷୀରେ ଶନିବାର  ଦେବଗଡ଼ ପୌର ପରିଷଦ ପକ୍ଷରୁ ପୁରୁଣା ଆହାର କେନ୍ଦ୍ର ପରିସରରେ ଆୟୋଜିତ କାର୍ଯ୍ୟକ୍ରମରେ ପୌର ନିର୍ବାହୀ ଅଧିକାରୀ ଆତସୀ ପରିଡା ଓ ସିଏମଏମ ଅଭିଷେକ ମିଶ୍ରଙ୍କ ଉପସ୍ଥିତରେ ମିଶନ ଶକ୍ତିର ମା ଭଗବତୀ ସଙ୍ଘ ମହିଳାଙ୍କୁ ଏକ ବ୍ୟାଟେରୀ ଚଳିତ ଅଟୋ ପ୍ରଦାନ କରାଯାଇଥିଲା l ସଙ୍ଘର ସଦସ୍ୟା ସଭ୍ୟା ପାତ୍ର ଏହି ବ୍ୟାଟେରୀ ଚଳିତ ଅଟୋର ଚାଳକ ରହିଥିବା ବେଳେ ରାଜ୍ୟର କୌଣସି ଆହାର କେନ୍ଦ୍ରକୁ ରନ୍ଧା ଖାଦ୍ୟ ପରିବହନ ପାଇଁ ମିଶନ ଶକ୍ତି ମହିଳା ଦାଇତ୍ୱ ନେବା ରାଜ୍ୟରେ ପ୍ରଥମ ବୋଲି ଜଣା ପଡିଛି l