ଓଲଟି ପଡ଼ିଥିବା ମାଲଗାଡ଼ି ଟ୍ରେନରେ ସେଲଫି ନେବାକୁ ଜମିଥିଲା ଭିଡ଼: କ୍ଷଣିକରେ ଜଳିଗଲେ ଯୁବକ

କିନ୍ତୁ ଠିକ୍ ସେତିକି ବେଳେ ଉପରେ ଥିବା ହାଇ ଭୋଲଟେଜ ବିଦ୍ୟୁତ୍ ସଂସ୍ପର୍ଶରେ ଆସିଥିଲେ ୨ ଯୁବକ । ସେମାନଙ୍କ ମଧ୍ୟରୁ ଜଣେ ଯୁବକଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଅନ୍ୟ ଯୁବକ ଜଣକ ମେଡିକାଲରେ ଜୀବନ ଓ ମୃତ୍ୟୁ ଭିତରେ ଲଢ଼େଇ କରୁଛନ୍ତି । ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ସୂଚନାନୁସାରେ, ଝାଡଖଣ୍ଡରୁ ଆସୁଥିବା ଏକ କୋଇଲା ବୋଝେଇ ମାଲଗାଡ଼ି ଟ୍ରେନ୍ ଇସଲାମପୁର-ଫତୁହା ରେଳଖଣ୍ଡ ଦେଇ ଯାଉଥିଲା । ଏକଙ୍ଗରସରାୟ ଷ୍ଟେସନ ନିକଟରେ ମାଲଗାଡ଼ି ଟ୍ରେନର ୯ ଟି କୋଚ୍ ଟ୍ରାକରୁ ଖସିପଡିଥିଲେ । ଦୁର୍ଘଟଣାର କିଛି ସମୟ ପରେ ଘଟଣାସ୍ଥଳରେ ସ୍ଥାନୀୟ ଲୋକଙ୍କ ଭିଡ ଜମିଥିଲା । କିଛି ଯୁବକ ବେପରୁଆ ଭାବେ କୋଚ ଉପରକୁ ଚଢ଼ି ସେଲଫି ନେବା ଆରମ୍ଭ କରିଥିଲେ । କିନ୍ତୁ ସେମାନଙ୍କ ମଧ୍ୟରୁ ଜଣେ ବିଦ୍ୟୁତ ସଂସ୍ପର୍ଶରେ ଆସିବା କାରଣରୁ ଆଉ ଏକ ଦୁନିଆରେ ନାହାନ୍ତି । ମୃତକ ଜଣକ କୋସିୟାୱାନ ଗାଁର ୨୨ ବର୍ଷୀୟ ସୁରଜ କୁମାର ବୋଲି ଜଣାପଡିଛି ।