ଭୁବନେଶ୍ୱର: ଏକକ ପିଜି ପ୍ରବେଶିକା ପରୀକ୍ଷା(ସିପିଇଟି) ୪ ତାରିଖରେ ଶେଷ ହୋଇଥିବାବେଳେ ଆସନ୍ତା ଶନିବାରଠୁ ଛାତ୍ରଛାତ୍ରୀ ସାମ୍ସ ପୋର୍ଟାଲରେ ସେମାନଙ୍କ +୩ ମାର୍କ ଅପଲୋଡ୍ କରିବେ । ୟୁଜର୍ ଆଇଡି ମାଧ୍ୟମରେ ମାର୍କ ଦାଖଲ କରାଯିବାକୁ ଥିବାବେଳେ ୨୦ ତାରିଖ ଅପରାହ୍ଣ ୨ଟାରେ ରାଜ୍ୟୱାରୀ ମେଧା ତାଲିକା ପ୍ରକାଶ ପାଇବ । ୨୦ରୁ ୩୦ ତାରିଖ ସୁଦ୍ଧା ପିଲାମାନେ ଚଏସଫିଲିଂ କରିବେ । ଜୁଲାଇ ୨୮ ତାରିଖ ଅପରାହ୍ଣ ୨ଟାରେ ପ୍ରଥମ ପର୍ଯ୍ୟାୟ ସିଟ୍ ଆଲଟମେଣ୍ଟ ତାଲିକା ପ୍ରକାଶ ପାଇବ ।
୨୯ରୁ ୩୧ ତାରିଖ ମଧ୍ୟରେ ପିଲାମାନେ ଅନଲାଇନରେ ନାମଲେଖା ପାଇଁ ଫି’ ଦାଖଲ କରିବାକୁ ଥିବାବେଳେ ୩୧ରୁ ୨ତାରିଖ ମଧ୍ୟରେ ପିଲାମାନେ ଶିକ୍ଷାନୁଷ୍ଠାନରେ ରିପୋର୍ଟିଂ କରିବେ । ସେହିପରି ଅଗଷ୍ଟ ୭ ତାରିଖରେ ଦ୍ୱିତୀୟ ରାଉଣ୍ଡ୍ ନାମଲେଖା ପାଇଁ ସିଟ୍ ଆଲଟମେଣ୍ଟ ତାଲିକା ପ୍ରକାଶିତ ହେବ । ଅଗଷ୍ଟ ୧୦ ତାରିଖ ସୁଦ୍ଧା ଫି ଦାଖଲ ଓ ୧୧ ତାରିଖ ମଧ୍ୟରେ ପିଲାମାନେ ଶିକ୍ଷାନୁଷ୍ଠାନରେ ରିପୋର୍ଟିଂ କରିବେ । ସେହିପରି ଅଗଷ୍ଟ ୧୮ ତାରିଖରେ ତୃତୀୟ ରାଉଣ୍ଡ ଆଲଟମେଣ୍ଟ ତାଲିକା ପ୍ରକାଶ ପାଇବ ଓ ୨୩ ତାରିଖ ସୁଦ୍ଧା ନାମଲେଖା ପ୍ରକ୍ରିୟା ସରିବ । ମୋଟ୍ ୬ଟି ରାଉଣ୍ଡରେ ନାମଲେଖା ପ୍ରକ୍ରୟା ତ୍ୱରାନ୍ୱିତ ହେବାକୁ ଥିବାବେଳେ ସେପ୍ଟେମ୍ବର ୧୮ରେ ଷଷ୍ଠ ରାଉଣ୍ଡ ନାମଲେଖା ପାଇଁ ଆଲଟମେଣ୍ଟ ତାଲିକା ପ୍ରକାଶ ପାଇବ । ସେପ୍ଟେମ୍ବର ୨୧ତାରିଖ ସୁଦ୍ଧା ସମସ୍ତ ପର୍ଯ୍ୟାୟର ନାମଲେଖା ପ୍ରକ୍ରିୟା ଶେଷ ହେବ ବୋଲି ଉଚ୍ଚଶିକ୍ଷା ବିଭାଗ ଦର୍ଶାଇଛି ।
