ନୂଆଦିଲ୍ଲୀ : ୪୦ କୋଟି ଟଙ୍କାର ଗୋଟିଏ ଗାଈ ବିକ୍ରି ହୋଇଛି । ଦୁନିଆର ସବୁଠୁ ଦାମି ଗାଈ ଭାବରେ ବିଶ୍ୱରେ ପରିଚିତ । ବ୍ରାଜିଲରେ ୪୦ କୋଟିରେ ବିକ୍ରି ହୋଇଛି ଗୋଟିଏ ଗାଈ । ବ୍ରାଜିଲରେ ଆୟୋଜିତ ଏକ ନିଲାମୀରେ ପ୍ରତିଯୋଗିତା ଲାଗି ପଡିଥିଲା । ଆଉ ଦାମୀ ଗାଈ ଭାବରେ ବିଶ୍ୱ ରେକର୍ଡ କରିଛି । ଗାଈର ନାଁ ନେଲୋର ବ୍ରିଡ ଗାଈ ଭିଏଟିନା – ୧୯ । ଏହି ଗାଈ ୪୦ କୋଟି ଟଙ୍କାରେ ବିକ୍ରି ହୋଇ ଗିନୀଜ ବୁକ ଅଫ ୱାଲ୍ଡ ରେକର୍ଡରେ ସ୍ଥାନ ପାଇଛି । ଅସାଧାରଣ ଜିନ , ଶାରୀରିକ ସୌନ୍ଦର୍ଯ୍ୟ ଓ ଆକାର ପାଇଁ ଭିଏଟିନା -୧୯ ପ୍ରସିଦ୍ଧ । ଏହାର ଓଜନ ୧୧୦୧ କିଲୋଗ୍ରାମ । ଯାହା ନିଜ ପ୍ରଜାତିର ଅନ୍ୟ ଗାଈମାନଙ୍କ ତୁଳନାରେ ପ୍ରାୟ ଦୁଇଗୁଣ ଓଜନିଆ ଅଟେ । ଭିଏଟିନା – ୧୯ ବ୍ରାଜିଲରେ ମିସ ସାଉଥ ଆମେରିକା ଟାଇଟଲ ହାସଲ କରିଥିଲା । ଭିଏଟିନା ୧୯ – ହେଉଛି ନେଲୋର ବ୍ରିଡର ଏକ ଭାରତୀୟ ପ୍ରଜାତି । ଆନ୍ଧ୍ରପ୍ରଦେଶ ଓ ତେଲେଙ୍ଗାନାରେ ଦେଖାଯାଏ ନେଲୋର ବ୍ରିଡ ।
