ଉତ୍ତର ପ୍ରଦେଶ: ଉତ୍ତର ପ୍ରଦେଶରେ ଭୟଙ୍କର ସଡକ ଦୁର୍ଘଟଣା। ଟ୍ରକ ସହ ଧକ୍କା ହେଲା ବସ୍। ଏହି ଦୁର୍ଘଟଣାରେ ଜଣେ ମୃତ୍ୟୁବରଣ କରିଥିବା ନେଇ ସୂଚନା ମିଲିଛି। ଶନିବାର ଭୋର ୪ଟାରେ ଉତ୍ତର ପ୍ରଦେଶର ସୁଲତାନପୁର ଜିଲ୍ଲାରେ ଏହି ଦୁର୍ଘଟଣା ଘଟିଛି। ରାମ ଲଲ୍ଲା ମନ୍ଦିର ଯାତ୍ରାରୁ ଫେରୁଥିବା ତୀର୍ଥଯାତ୍ରୀମାନଙ୍କୁ ନେଇ ଯାଉଥିବା ଏକ ବସ୍ କୁରେଭର ଥାନା ଅଞ୍ଚଳର ଅଯୋଧ୍ୟା-ପ୍ରୟାଗରାଜ ରାଜପଥର କୁରେଭର ଛକ ନିକଟରେ ଏକ ଟ୍ରକ୍ ସହିତ ଧକ୍କା ଦେଇଥିଲା। ଏହି ଦୁର୍ଘଟଣାରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଛନ୍ତି। ଧକ୍କା ଏତେ ଜୋର ଥିଲା ଯେ ବସ୍ ଏବଂ ଟ୍ରକ୍ ଉଭୟ ଓଲଟି ପଡ଼ିଥିଲା। ସୂଚନା ଅନୁଯାୟୀ, ବସ୍ଟି ପ୍ରାୟ ୪୦ ଜଣ ଭକ୍ତଙ୍କୁ ନେଇ ଯାଉଥିଲା। ସମସ୍ତ ତୀର୍ଥଯାତ୍ରୀ ମହାରାଷ୍ଟ୍ରର ଜଳଗାଓଁ ଜିଲ୍ଲାରୁ ଆସିଥିଲେ। ସେମାନେ ଅଯୋଧ୍ୟାରେ ଭଗବାନ ରାମ ଲଲ୍ଲାଙ୍କୁ ଦର୍ଶନ କରି ପ୍ରୟାଗରାଜ ଫେରୁଥିଲେ।
ବସ୍ଟି କୁରେଭର ଚୌକରେ ପହଞ୍ଚିବା ପରେ ଏକ ଦ୍ରୁତଗାମୀ ଟ୍ରକ୍ ନିୟନ୍ତ୍ରଣ ହରାଇ ବସ୍ ସହିତ ଧକ୍କା ହୋଇଥିଲା। ଘଟଣା ସମ୍ପର୍କରେ ସୂଚନା ପାଇବା ପରେ, କୁରେଭର ପୋଲିସ ଦଳ ମଧ୍ୟ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ଦୁର୍ଘଟଣାରେ ଆହତ ପ୍ରାୟ ୧୫ ଜଣ ଭକ୍ତଙ୍କୁ କୁରେଭର ସାମୁହିକ ସ୍ୱାସ୍ଥ୍ୟ କେନ୍ଦ୍ରକୁ ପଠାଯାଇଥିଲା ଯେଉଁଠାରେ ୪୫ ବର୍ଷୀୟା ବର୍ଷା କିରଣ ପାଟିଲଙ୍କ ଚିକିତ୍ସା ସମୟରେ ମୃତ୍ୟୁ ହୋଇଥିଲା। ଆହତମାନଙ୍କ ମଧ୍ୟରେ କୋକିଲା ବାଈ, ଜାର୍ଗ ବାଈ, ଯୋଜନା ବାଈ, ମଞ୍ଜୁ ବାଈ, ରତ୍ନ ବାଈ, ରାଜୁ, ଅନିତା, ପୋଦମ ସିଂହ, ସରିତା ବାଈଏବଂ ଆଶା ବାଈ ଅନ୍ତର୍ଭୁକ୍ତ। ଡାକ୍ତରମାନେ ଉତ୍ତମ ଚିକିତ୍ସା ପାଇଁ କୋକିଲା, ସଙ୍ଗୀତା, ଅନିତା, ଅର୍ଚ୍ଚନା ଏବଂ ରତ୍ନାକୁ ସରକାରୀ ମେଡିକାଲ କଲେଜକୁ ପଠାଇଛନ୍ତି ଏବଂ ଅନ୍ୟ ୫ ଜଣ ସାମାନ୍ୟ ଆହତଙ୍କ ଚିକତ୍ସା ଚାଲିଛି। ଅଧିକ ତଥ୍ୟ ପାଇଁ ତଦନ୍ତ ଜାରି ରହିଛି।
