ଉତ୍ତର ସିରିଆରେ ବୋମା ବିସ୍ଫୋରଣ :୧୫ ମୃତ

ନୂଆଦିଲ୍ଲୀ : ସିରିଆ ସହରର ଉପକଣ୍ଠରେ ଏକ ବୋମା ବିସ୍ଫୋରଣ ଘଟି ସୋମବାର ଅତି କମରେ ୧୫ ଜଣ ଲୋକ ପ୍ରାଣ ହରାଇଛନ୍ତି ଏବଂ ଅନେକ ମଧ୍ୟ ଆହତ ହୋଇଛନ୍ତି । ମାନବିଜ ସହର ଉପକଣ୍ଠରେ ଥିବା କାରଟି କୃଷି ଶ୍ରମିକମାନଙ୍କୁ ନେଇ ଯାଉଥିବା ବେଳେ ଏକ ଗାଡ଼ି ପାଖରେ ବିସ୍ଫୋରଣ ହୋଇଥିଲା, ଯେଉଁଥିରେ ୧୪ ଜଣ ମହିଳା ଏବଂ ଜଣେ ପୁରୁଷଙ୍କର ମୃତ୍ୟୁ ହୋଇଥିଲା, ସ୍ଥାନୀୟ ସିରିଆର ନାଗରିକ ପ୍ରତିରକ୍ଷା ରିପୋର୍ଟ କରିଛି। ଅନ୍ୟ ୧୫ ଜଣ ମହିଳା ଆହତ ହୋଇଛନ୍ତି, ସେମାନଙ୍କ ମଧ୍ୟରୁ କେତେଜଣ ଗୁରୁତର ଅବସ୍ଥାରେ ଅଛନ୍ତି। ତଥାପି, ରିପୋର୍ଟ ରୁ ଜଣାପଡିଛି ଯେ ୧୮ଜଣ ମହିଳା ଏବଂ ଜଣେ ପୁରୁଷଙ୍କର ମୃତ୍ୟୁ ହୋଇଛି। ଡିସେମ୍ବରରେ ରାଷ୍ଟ୍ରପତି ବସର ଅସାଦଙ୍କ ପତନ ପରେ ଉତ୍ତର-ପୂର୍ବ ଆଲେପ୍ପୋ ପ୍ରଦେଶର ମାନବିଜରେ ହିଂସା ଜାରି ରହିଛି । ଯେଉଁଠାରେ ସିରିଆନ୍ ନ୍ୟାସନାଲ୍ ଆର୍ମି ଭାବରେ ଜଣାଶୁଣା ତୁର୍କୀ-ସମର୍ଥିତ ଗୋଷ୍ଠୀଗୁଡ଼ିକ ଆମେରିକା-ସମର୍ଥିତ କୁର୍ଦ୍ଦିସ୍-ନେତୃତ୍ୱାଧୀନ ସିରିଆନ୍ ଡେମୋକ୍ରାଟିକ୍ ଫୋର୍ସ ସହିତ ସଂଘର୍ଷ ଜାରି ରଖିଛନ୍ତି ।