ପଶ୍ଚିମବଙ୍ଗରେ ବିଜେପି ସରକାର ଗଢିବ: ଶୁଭେନ୍ଦୁ ଅଧିକାରୀ

ନୂଆଦିଲ୍ଲୀ: ପଶ୍ଚିମବଙ୍ଗର ବିରୋଧୀ ଦଳ ନେତା ଶୁଭେନ୍ଦୁ ଅଧିକାରୀ ଦାବି କରିଛନ୍ତି ଯେ, ଭାରତୀୟ ଜନତା ପାର୍ଟି ରାଜ୍ୟରେ ପରବର୍ତ୍ତୀ ସରକାର ଗଠନ କରିବ । ଅଧିକାରୀ ପୁଣି ଥରେ ନନ୍ଦିଗ୍ରାମରୁ ପ୍ରତିଦ୍ୱନ୍ଦିତା କରୁଛନ୍ତି ଏବଂ ଭବାନୀପୁରରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଚ୍ୟାଲେଞ୍ଜ କରୁଛନ୍ତି । ରାଜ୍ୟ ବିଧାନସଭା ନିର୍ବାଚନ ପାଇଁ ଭୋଟ ଗଣତି ଚାଲିଥିବା ମଧ୍ୟରେ ଅଧିକାରୀ କହିଛନ୍ତି ଯେ, ପଶ୍ଚିମବଙ୍ଗରେ ବିଜେପି ସରକାର ଗଠନ କରିବ । ଅଧିକାରୀ ପୁଣି କହିଛନ୍ତି ଯେ, ଏହି ନିର୍ବାଚନରେ ବହୁ ସଂଖ୍ୟକ ମୁସଲିମ ଭୋଟର ତୃଣମୂଳ କଂଗ୍ରେସକୁ ସମର୍ଥନ କରିନାହାନ୍ତି । ସେ ଦାବି କରିଛନ୍ତି ଯେ, ଭବାନୀପୁରରେ ସମାନ ଧାରା ପରିଲକ୍ଷିତ ହେଉଛି । ବିଜେପି ନେତା କହିଛନ୍ତି, ମୁଁ ନବମ କିମ୍ବା ଦଶମ ପର୍ଯ୍ୟାୟ ପରେ ଆଗକୁ ବଢିବି ଏବଂ ଏହି ଆସନରେ ବିଜୟୀ ହେବି । ଏହି ସମୟରେ, ନିର୍ବାଚନ କମିଶନର ଆଧିକାରୀକ ଟ୍ରେଣ୍ଡ ଦର୍ଶାଉଛି ଯେ, ପ୍ରଥମ ପର୍ଯ୍ୟାୟ ପରେ ମମତା ବାନାର୍ଜୀ ଆଗୁଆ ଅଛନ୍ତି । ଦ୍ୱିତୀୟ ପର୍ଯ୍ୟାୟ ଗଣନା ପରେ ବିଜେପି ପାର୍ଥୀ ଶୁଭେନ୍ଦୁ ଅଧିକାରୀ ଭବାନୀପୁର ବିଧାନସଭା ଆସନରେ ୧୫୫୮ ଭୋଟରେ ଆଗୁଆ ଅଛନ୍ତି ।