ଭୁବନେଶ୍ଵର : ଅଧିକାଂଶ ଲୋକ ଥଣ୍ଡା ପାଣି ପିଇବାକୁ ପସନ୍ଦ କରିଥାନ୍ତି। ଖରା ଦିନେ ଫ୍ରିଜରେ ରଖା ଯାଇଥିବା ଥଣ୍ଡା ପାଣି ବା କୋଲ୍ଡ୍ ଡ୍ରିଙ୍କସ୍ ପିଇ ଲୋକ ଆରାମ ପାଇଥାନ୍ତି। ଖରାଦିନେ ଅତ୍ୟଧିକ ଥଣ୍ଡା ପାଣି ପିଉଥିଲେ ହୋଇଥାଏ ଅନେକ ସମସ୍ୟା ତେବେ ବିଶେଷଜ୍ଞଙ୍କ ମତ ଅନୁଯାୟୀ, ଅଧିକ ପରିମାଣରେ ଥଣ୍ଡା ପାଣି ପିଇଲେ ଆମ ରକ୍ତନଳୀ ସଂକୁଚିତ ହୋଇଯାଏ। ଏମିତି କି ଖାଦ୍ୟ ହଜମ ହେବାରେ ଅସୁବିଧା ହୋଇଥାଏ। ଶରୀରକୁ ପୁଷ୍ଟିସାର ମିଳିବାରେ ପ୍ରତିବନ୍ଧକ ସୃଷ୍ଟି ହୋଇଥାଏ। ଫଳରେ ବଦ ହଜମୀର ଶିକାର ହୋଇଥାନ୍ତି ଲୋକେ। ଅନୁଧ୍ୟାନରୁ ଜଣା ପଡ଼ିଛି, ଅତିରିକ୍ତ ଥଣ୍ଡା ପାଣି ପିଇଲେ ହୃଦସ୍ପନ୍ଦନ କମି ଯାଏ। ଆମ ଦାନ୍ତରେ ରହିଥିବା ଭେଗାସ୍ ନର୍ଭକୁ ଥଣ୍ଡାପାଣି କ୍ଷତି ପହଞ୍ଚାଏ। ଏହି ଭେଗାସ୍ ନର୍ଭ ସ୍ନାୟୁତନ୍ତ୍ରର ଏକ ଅତ୍ୟନ୍ତ ଗୁରୁତ୍ୱପୂର୍ଣ ଅଂଶ ଅଟେ। ଜିମ୍ରେ ୱାର୍କ ଆଉଟ୍ କରିବା ପରେ, ମର୍ଣ୍ଣିଂ ୱାକ୍ ଏବଂ ନୃତ୍ୟଶିଳ୍ପୀମାନେ ନାଚିବା ପରେ ଭୁଲରେ ବି ଥଣ୍ଡା ପାଣି ପିଅନ୍ତୁ ନାହିଁ। କାରଣ ଏପରି ଅଭ୍ୟାସ କରିବା ପରେ ଆମ ଦେହର ତାପମାତ୍ରା ବଢ଼ିଯାଏ। ଏହି ସମୟରେ ଥଣ୍ଡା ପାଣି ପିଇଲେ ଦେହର ତାପମାତ୍ରାରେ ହଠାତ୍ ପରିବର୍ତ୍ତନ ଘଟେ। ଏହା ହଜମରେ ଗୋଳମାଳ କରିବା ସହ ଶରୀରକୁ ଦୁର୍ବଳ କରି ପକାଏ। ୱାର୍କ ଆଉଟ ପରେ ସାମାନ୍ୟ ଗରମ ପାଣି ପିଇଲେ ଉପକାର ପାଇ ପାରିବେ। ତେବେ ଅତିରିକ୍ତ ଥଣ୍ଡା ପାଣି ପିଇଲେ ଗଳାଜନିତ ରୋଗ ଦେଖାଦିଏ। ନାକପଟେ ପାଣି ବହିବା ଆରମ୍ଭ ହୁଏ ଏବଂ ଖାଦ୍ୟନଳୀରେ ସଂକ୍ରମଣ ଦେଖାଦିଏ। ବିଶେଷକରି ଖାଦ୍ୟ ଖାଇବା ପରେ ଆଦୌ ଥଣ୍ଡା ପାଣି ପିଅନ୍ତୁ ନାହିଁ। କାରଣ ଶ୍ୱାସନଳୀରେ ମଧ୍ୟ ସଂକ୍ରମଣ ଘଟିଥାଏ। ଆମେ ଖାଉଥିବା ସ୍ନେହଁସାରଜନିତ ଖାଦ୍ୟ ଶରୀରରେ ଠିକ୍ ଭାବେ ପାଚନ ହୋଇ ନଥାଏ। ଫଳରେ ଏସବୁ ଖାଦ୍ୟ ଶରୀରରେ ଜମି ରହିଥାଏ। ବିଶେଷଜ୍ଞମାନଙ୍କ କହିବା କଥା, ଗରମ ଦିନେ ବାହାରୁ ଫେରିଲେ ବା ଶୋଷ ଲାଗିଲେ ଫ୍ରିଜରେ ରଖାଯାଇଥିବା ପାଣି ପିଅନ୍ତୁ ନାହିଁ। ଯଦି ଥଣ୍ଡା ପାଣି ପିଇବାକୁ ଚାହୁଁଛନ୍ତି ତାହାଲେ ଘରେ ମାଠିଆ ରଖନ୍ତୁ। ମାଠିଆ ପାଣି ହିଁ ପିଅନ୍ତୁ।