ଭୁବନେଶ୍ୱର: ଅଶୋକ ନଗରରେ ପ୍ରଚାର ଚାଲିଥିବା ବେଳେ ଜଣେ ମହିଳା ପ୍ରାର୍ଥୀଙ୍କ ସମର୍ଥକଙ୍କ ଉପରେ ଆକ୍ରମଣ ହୋଇଛି । ୪୧ ନମ୍ବର ୱାର୍ଡ ସ୍ୱାଧୀନ ପ୍ରାର୍ଥୀ ସସ୍ମିତା ସାହୁ ଏନେଇ କ୍ୟାପିଟାଲ ଥାନା ଦ୍ୱାରସ୍ଥ ହୋଇଛନ୍ତି । ସସ୍ମିତା ହେଉଛନ୍ତି, ପୂର୍ବତନ କର୍ପୋରେଟର ଗୁରୁ ଚରଣ ସାହୁଙ୍କ ସ୍ତ୍ରୀ ।
ସେ ଅଭିଯୋଗ କରିଛନ୍ତି, ପ୍ରଚାର ଚାଲିଥିବା ବେଳେ ବିରୋଧୀ ଗୋଷ୍ଠୀ ତାଙ୍କ ସମର୍ଥକ ମିନାକ୍ଷୀ ସିଂଙ୍କ ଶାଢ଼ି ଚିରି ଦେଇଛନ୍ତି । ଆଇସା ବେଗମ୍ଙ୍କ ମୁହଁ ରାମ୍ପି ଦେଇଛନ୍ତି । ସନ୍ଧ୍ୟା ବେଳେ ସସ୍ମିତା ଅଶୋକ ନଗରରେ ପ୍ରଚାର ଚଳାଇଥିଲେ । ଭୋଟରଙ୍କୁ ପୁସିଂ କାର୍ଡ ବାଣ୍ଟୁଥିଲେ । ଏହି ସମୟରେ ଜଣେ ମଦ୍ୟପ ପ୍ରଚାର ଭିତରକୁ ମାଡି଼ ଆସି ହୋ ହଲ୍ଲା କଲା । ପ୍ରାର୍ଥୀଙ୍କୁ ହଇରାଣ କରିବା ସହିତ ମହିଳା ସମର୍ଥକଙ୍କ ଶାଢ଼ି ଚିରି ପକାଇଲା । ଏହି ଘଟଣାର ଭିଡିଓ ରେକର୍ଡିଂ ଅନ୍ୟ ଜଣେ ପ୍ରାର୍ଥୀଙ୍କ ସ୍ୱାମୀ ଓ ତାଙ୍କ ସମର୍ଥକମାନେ ଭିଡିଓ ରେକର୍ଡିଂ କରୁଥିଲେ । ଯାହାକୁ ନେଇ ସେମାନଙ୍କ ସହ ଯୁକ୍ତିତର୍କ ଓ ଠେଲାପେଲା ହୋଇଥିଲା । ପ୍ରଚାର ବେଳେ ମହିଳା ସମର୍ଥକଙ୍କ ଶାଢ଼ି ଚିରିବା ନିହାତି ନିନ୍ଦନୀୟ ବୋଲି ଯୋଗୀ କହିଛନ୍ତି । ଅପରପକ୍ଷରୁ ମଧ୍ୟ ଥାନାରେ ଏକ ଅଭିଯୋଗ ହୋଇଛି । ପୁଲିସ ଉଭୟ ପକ୍ଷର ଅଭିଯୋଗ ଗ୍ରହଣ କରି ଘଟଣାର ସତ୍ୟାସତ୍ୟ ଖୋଜୁଛି ।
ପ୍ରଚାର ବେଳେ ମହିଳା କର୍ମୀଙ୍କୁ ଆକ୍ରମଣ
